SHILLONG: Sorkari school-rango chadamberangna janggi tangna dingtang dingtang kamrangko skie on·na, mikkangchi janggi tanganio kamrangko ka·e cha·na gita cholrangko sandianio dakchakna aro dingtang dingtang skianirangko on·ne bilakatna miksonganio Meghalaya sorkari, gital programko parakataha.
Sorkari, Magic Bus India Foundation baksa Meghalaya Programme for Adolescent Wellbeing, Empowerment, and Resilience (MPOWER) programo kam ka·rimna tik ka·aha.
Grade 6-10-o poraigipa chadamberangna life skills aro employabiltiy education-ko teacher-ni life skills education program-ni gita on·gen. Iachi chadamberangko uamangni mikkangchi janggi tanganio bilakatgen aro chu·sokgipa ong·atgen. Iarangsan ong·aija teacher ba skigiparangnaba State Education Department baksa melie training-ko on·gen.
School-oni ong·katgipa chadamberangna Community Learning Centres-ko parakatskagen jedakode uamangna Foundational Literacy aro Numeracy program-rangko on·na man·gen.
Curriculum-ko South West Khasi Hills, West Jaintia Hills aro West Garo Hills-o ra·gatgen. Skanggipa bilsio Life Skills Class-ko a·bachenggen.
UDISE+ 2021-22 report-ni gita Meghalaya-o Class 1-oni Class 12-ona million 1 student-rang biming segatgiparang donga. Iano sak 530,390 -primary, sak 244,008 – upper primary, sak 117,496 -secondary, aro sak 63,044 – higher secondary level-ko man·gopa.
Development Commissioner and Principal Secretary Sampath Kumar kobor ra·timgiprang baksa agangrikmitingo indine aganaha, je, “A·dokni skia-porani gadangko ra·dona rakbate kam ka·na nangenga, chadamberangko bilakatosa bilakgipa a·dokko rikna man·gen, ian a·dokni namgnina ong·a.
Magic Bus India Foundation-ni parakatgipa Youth Skilling Centre, Financial year 2024-25-o sak 150 me·chik chadamberangna life skills aro employability skill-o training-ko on·gen. State Skill Development Department baksa melie centre, chadamberangko customer-centric role-na tarigen. Ia traning-ara Meghalaya-osan dakchakgipa ong·aijawa indiba India-ni gipin bakrangona re·angoba dakchakgipa ong·gen.
MoU-ko soi ka·mitingo Vijay Kumar Mantri, Commissioner & Secretary, Education Department, Ramkumar, Additional Secretary, Department of Health & Family Welfare cum Mission Director-NHM aro Swapnil Tembe, Secretary, Education Department, Magic Bus India Foundation-ni team, Dhanashri Brahme, Chief of Programmes, Pallav Kumar, Regional Director, East & NE- uamang bak ra·angaha.
