SHILLONG: Voice of the Peoples Party (VPP) Sonibar salo a·dok sorkarini dakna nangchenggipako dakgualenga aro a·doko nangchongmotgipa rika cho·anirango apsagrik ong·jaenga aro kragija dakanirang dongenga ine aganangaha.
“Songadamo donggipa biaprango ramarangni namgijako na·simang bebe ra·nan man·jawa. Iano apsagrikgipa gadango rika cho·aniko dakanio dongja jeon kakketgijani namen donga. Jensalo mitam songsalni section-rang aro a·dokko nangchongmotgipa namgipa ramarangna on·aoniko den·gala darangba bebe ra·jawa an·ching 21-gipa century-osa janggi tangengaba,” ine VPP-ni agantimgipa Batskhem Myrboh aganaha, Ia chasongo an·ching maiko man·aha mitam section-ni manderang 2-3%-ni gitakoba ma·sikujaenga, ine agandapangaha.
A·dokni songadamgipa biaprangona wenange ma·siaha jeon a·dok sorkari kam ka·na nangchenggipa dakjaenga, manianirang gamchatgipa ong·ja ine anga aganjaenga indiba iano dakna ba kam ka·chengna nanggiparang donga aro an·ching nangchenggipa rika cho·anirang jekai mingsinggipa biaprang jerangan songadamgipa biaprango donga uarangkode gamchate ra·a gitan nikjaenga,” ine ua aganaha.
Iano bang·a songrang donga jeon da·onaba rama jalangrangko tarie on·aniko man·a jumang nikkuaienga, ine mesoke aganangaha. Nangchongmotgipa rika cho·anirangko dakna nanggipa dongenga je biaprangona sokangkujaenga. A·dokni gimik bakon dakna ba tarina nangchenggipa dongenga jekon gualchengenga aro indakgipa biaprangona chinga wenanga ong·ode chinga skimpila, ine ua aganaha.
Bollywood jawilwat ‘Rock On’-ko shoot ka·angna a·dok sorkari tangka kror 2-ko on·ako gisik ra·atpile janapangaha, “Kam ka·chengna nangako dakgualanirang donga. Sorkari chanchia rika cho·anina bate adita an·saoanina nanganio tangka paisani gita dakchakaniko on·a krae nikaha indiba manderangni nangchongmotgipakode dongalchengaha,” ine ua aganaha.
A·dokni bang·a songadam songrango ramarangan dongkuja aro songni manderang senganiko man·a nangdimataniko man·angna ba pala simanirangko dakangna uamangni jrimbegipa bosturang baksa baditaba kontarangna ja·achi ramarang re·kuenga. mitam songrang jerangan ramarang dongaha indiba taripiltaianirangan dongja aro uarangko re·na duknisa ong·pilaia, in eua aganangaha.
