TURA: Re·anggipa December 25 tariko, manderangni kusi ong·bee Krismasko maniengmiting somoio, North Garo Hills a·jani Chenggalma songo scooty bolsa, gari bolsa baksa chagake a·sel ong·aha aro ia a·sel ong·anio scooty-ko salgipa mande janggitangko gimaatna nangaha.
Koborko on·ani gitade, Budbar salpaksachibara, ML-08J 5847 Yamaha Ray ZR Scooty bolsa, ML-13A 7503 Maruti Fronx gari baksa chagake a·sel ong·aha aro ia a·sel ong·anio, scooty-ko salgipa Artus Marak, a·sel ong·chakgipa biapon sikamaha.
A·sel ong·anio sianggipa mandeara, Bajengdoba police station-ni ning·o donggipa Rangsildapgre Dalbing songoni ong·achim ine police-rang u·iataha