TURA: Gimaangnasieng-gipa sikkari do·o jean Indian white back vulture ba Sogin mangsako re·anggipa Mongolbar pringo, Tura, Rongkhon area-oniko man·aha. Indake ia Sogin-ko chiring a·samoniko nikna gita man·aha aro uko Rongkhon Agal Develop-ment Committee-rang naljokatenba, ja·mano Wildlife department-na u·iataha. Indake ua Sogin-ko Gyps Bangalensis-Indian White back vulture ine mingachim, jean endangered species group-o bimung donggipa do·o ong·achim.
U·iatimgiparangni pa-rakani gitade, ia do·o maiaba neng·nikaniko man·e bilna gita man·jae gipin do·orang baksa bilangpana man·jae ua mangsan brangrikahachim.
Una agreba Wildlife dolrang ua do·oko porikka ka·e nina aro nambata sana bananiko dakna gita, medical centre Tura-ona ra·baaha.
