SHILLONG: Sorkari, a·dokni skanggipa University- Captain Williamson Sangma State University-na January 13 tariko bi·chake pakwataniko dakna am·enga.
“January 13 tariko Parliament-ko Hindu bewalo pakwataniko dakaha, indake ia changde Christian a·dok ong·ani gimin a·dokni skanggipa University-na dal·bee bi·chakaniko dakna nangnikenga ine Education Minister Rakkam A Sangma aganaha.
Chief Minister, deputy Chief Minister-mangna agreba a·dokni chu·gimik cabinet, a·doko gimik giljarangni representative-rang prayer service ba bi·chakaniko bak ra·gen.
“Ua salo University-ni Vice Chancellor, office-ni kamko jako ra·gen aro university-ko a·bachengatgnok. Parliament-ko Hindu bewalchi pakwataniko dakna man·ode maina Christian a·doko Christian-rangni ja·rikgipa toromko ja·rike bi·chakna man·jawa, an·ching pilakan apsan ong·e dal·bee bi·ani service-ko dakgen ine Rakkam aganaha.
Meghalaya a·dokni skanggipa university- Captain Williamson Sangma State University-ko Meghalaya-ni skanggipa Chief Minister-ni bimingchi donaha, ua university-ko bilsi 2023 January jao nokdonggaha.
South West Garo Hills-ni Balalgre songo rikgipa gital university-ni building-ko Chief Minister Conrad Sangma, nokdonggae on·aha.
Meghalaya-o donggipa college-rang NEHU baksa nangdimgipa ong·a indiba ia state university-ko a·bachengatahaode college-rangko a·doktangni University baksa nangdimatna man·gnok.
Uandake Education Minister Rakkam A Sangma, ‘ia bilsio Shillong-o educational infrastructure-ko songe educational hub ba education-ni mongsonggipa biap ong·atgen ine aganaha.
“Shillong-o gipin a·dokrangoniba re·bae poraigiparang donga. Uni gimin educational infrastructure-ko namdapatna nanggen ine Education Minister aganaha.
