SHILLONG: Re·baenggipa MDC election-rango BJP tikito susana am·enggipa manderangni dorgastorangko A·dok BJP da·alona king 15-ko man·soaha ine parakaha.
A·dok BJP-ni ku·wattimgipa M Kharkrang-ni Sombar parakani gitade, re·baenggipa MDC election-rango BJP, uamangni candidate-rangko susaatgen aroba jemangkon election-o susaatgenchim, uamangko basena gita party da·al tom·e chanchianggen.
Indake ru·uta bilsirangni ja·man da·osa BJP, MDC election-rango uamangni candidate-rangko susaattaina chanchienga. Poll-rango susaanio BJP, seat-rangko man·aigen ineba ka·dongsoenga.
Unomitingo gipin gipin party-rangni uamangni candidate-rangni bimingrangko parakangtokengaha aro kamrangkoba ka·enga aro mitamrangde campaign-rangkoba a·bachengpilengaha ine nikna man·a.
