SHILLONG: Meghalaya a·doko Education department-ko nambate chalaina man·na gita Rakkam A Sangma-ni pal sakgipin Education Minister-ko songchina Voice of the People’s Party (VPP), a·dok sorkariko didiangaha.
VPP-ni ku·wattimgipa Batskhem Myrboh-ni parakatani gitade, da·o ong·enggipa Education Minister Rakkam Sangma, an·tangni jako ra·enggipa kamrangni bidingon name ma·sigipa ong·jani gimin uni pal gipin education minister-ko songna nangenga.
“Chatro chatrirangna aro skigiparangna guidebook-rangko a·bachengatanichi a·dokni Education Minister, maiko chu·sokatna miksongenga? Pass percentage-ko bariatna gita ua bakkandikgipa cholko jakkalna miksongengama? Skie ra·aniko daknade dongimin rama aro cholrang donga aro skie ra·anikode porikkani result-rangchi ong·ja indiba skia man·anichisa toa. Skie on·ani bewalrangan namjagenchimode skia man·ani biterang namteljawa,” ine VPP-ni dilgipa aganaha.
A·doko lekka porani gadangko namdapatna gita mitam officer-rangni kamrangko mittelpilangengon, mikkangchi a·dokni lekka porako niksamsoani donggipa political dilgipakosa da·o a·dokna nangenga ine Myrboh parakataha.
A·doko lekka porani gadangko dingtangatna gita bang·en dakna nanganirang dongkuenga ine janapatskaengon, mikkangchi cholko on·genchimode iako VPP chu·sokatna miksongenga ine Myrboh aganaha.
