Nongpoh: Guwahati-Shillong lane baksana National Highway 6 (NH-6) Umrangksai-o meja Sukrobar attam 6 bajimango rama a·sel ong·aha. Ua a·selo AS-01-DD-2780 scooty aro ML-11-A-1410 bangbanggipa trak gari a·sel ong·aha.
Scooty salgipa East Jaintia Hills District, Khiah songoni bilsi 32 Jeferson Phawa minggipa ong·achim ua University of Science and Technology Meghalaya (USTM)-oni Shillong-ona dobaengachim. Umrangksai-ona sokaon, Phawa trak gari baksa chattingrike sorokni chikarichina tang·angpile ga·akaha.
Trak gariko Ri Bhoi District, Umshorshor-ni Rangkynsai Nongphlang minggipa ong·a. Scooty salgipa skoo saknaa man·aha aro uko ta·raken 108 Ambulance-o Nongpoh, Civil Hospital-ona ra·angaha. Saknaako sana-banani ja·mano daktor Phawa-ko uni saknaa bilongani gimin nambate sana-bana gita nambatgipa hospital-ona watataha.
Police a·sel ong·ani ja·pangko pilakkon sandiaha aro scooty-ko naljoke dona Nongpoh Police Station-ona ra·angaha. Ua a·sel ong·aniko sandianiko dakenga.
