SHILLONG: South Shillong MLA Sanbor Shullai, a·jolo kal·susaanirangko nambatatna ja·ku de·anio Madan Laban-o kal·chakramko tarina mejalo panchakani ro·ongko songe on·angaha. Ua project Special Plan Assistance (SPA) scheme-ni ning·o ong·a aro uko tarina gong kror 5.26 tangka-paisako chame on·aha.
Minggipin ua kal·chakramko tariani project-o kal·chakram a·riko silchek ka·pengani, pangchakani pakmarangko ka·ani, chikarerangko tariani aro joltangni manderangna athlete-rangna neng·takani kutturirangko tarianirangko man·chapa. Panchakani ro·ongko songe on·ao dongpagiparangna aganao ia namgnirang mongsongbate kal·susaanirangna ong·gen ine aganaha.
Constitguency-o da·o ra·baenggipa namdapatani kal·susaaniko nambatatna aro joltangni susaanirango changgipa-sapgiparangko didina miksonggipa ong·aniko ua agan-talataha.
Gong kror 42-mang tangkana bata tangka-paisachi constituency-o ge·bri kal·susaanian namgnirangko namdapatgen ine Shullai agandapaha.
South Shillong-o kal·susaaniko nambatatna jolni manderangna ku·rachakani gita kal·chakramna pangchakaniko songe on·ao Sports Associations, Dorbar Shnongs, aro jolni manderangni dongpaaniko nikaha.
South Shilong-ni MLA kal·chakramko tarina pangchakaniko songe on·a
Date:
Share post:
