SHILLONG: Meghalaya-ni border area ba sima ario ga·akgipa jolrang, Bangladesh baksa international sima ari ba Assam baksa inter-state border ong·ja maina sima ari gimik jolrangon janggi tangna nangchong·motgipa ramram cholrangko man·a neng·a.
Sima ari jolrango dongenggipa manderangni chagronggipa neng·nikarangni gimin janapatengon Border Area Development Minister Rakkam Sangma, sima ari jolrango donggiparangna cholrang namen komibeani gimin jajrenganiko aganaha.
Uandake Border Area Development Programme (BADP)-ni ning·o ma·mong sorkarini watgipa tangkako dontongatanichi baditan neng·nikarangko chagrongna nangbatenga iarangni giminba aganaha.
“Batanggimin bilsi4 somoirangonin ma·mong sorkari fund ba tangkako watjaenga, iani bidingo agangrikna nichake dongkuenga ine Rakkam aganaha.
Sima ari jol sepango donggiparangna cholrang dongjani gimin ua jolo dongenggiparang suk ong·tokjaenga. Block 1-ni dol jemangan Assam baksa meligrikgijagipa biaponi ong·a, ua dol mejaomangmangsan Meghalaya Human Rights Commission-na nambata cholrangko man·a, jekai hospital, school ba uandakgiparangko dabie janapangaha.
A·dok sorkari chonchongipa project-rang jekai- MGNREGA aro Basin Development Program-rangksoan sokatna man·aia, dal·dalgipa development -ko ma·mong sorkarisan ra·bana man·a. Jeba ong·china Megahalaya sorkari, nambata cholrangko on·na jottonde ka·enga ine Rakkam agandapaha.
Uandake Assam baksa melgrikgijagipa sima arini bidingo janapatengon, “a·dok sorkari, meligrikkugijagipa biaprangkoba tom·tomatna jotton ka·enga, uni gimin sima ari jol sepango donggiparangko tom·tomaniko rakkichina mol·molataha.
Meghalaya sima ari jolrango bang·en development-ko nangenga: Rakkam
Date:
Share post:
