SHILLONG: Meghalaya State Skill Development Society (MSSDS) aro a·dok sorkarini dakchakaniko man·e a·dokni sakdok nurse-rang, Singapore Nursing Board Exam (SNBE)-o chu·sokenba Singapore a·songo kam ka·e cha·na gita re·mikkangtokaha.
A·doko songdongenggipa chadamberangna gipin a·songrango kamrangko ka·e cha·na cholko on·na gita Meghalaya State Skill Development Society (MSSDS) aro a·dok sorkari bakrimenba dakchakanirangko on·engachim.
Indake ong·engon, a·dokni chadamberang a·dokotangosan ong·aigija, a·gilsakni kona-noksikrangona soke janggi tangani cholrangko man·na gita a·dok sorkari raken kamrangko ka·enga aro re·baenggipa antirango bang·a nurse-rang gipin a·songrangona sokangkugen ine a·dokni Chief Minister Conrad Sangma parakataha.
Indake ia somoini bako a·gilsak gimikchin sanna bannanio changa sapaniko nangenga jechin a·dokni bang·a chadamberang gipin biaprangona re·angna man·e a·dokko aro a·songko niksengatna gita man·a aro a·dok sorkari iana agreba re·baenggipa sal somoirango chadamberangna dingtang-dingtang cholrangko on·e gipin a·songrango kam ka·e chana gita cholrangko on·angkugen ine Chief Minister parakataha.
