SHILLONG: South Garo Hills a·jani Tolegre songo Core Geo Expedition dolni sandie man·gipa gitcham matburingni ro·ong pil·gimin dongsparangko cha·uani da·o jasa ong·pilengahaoba cha·ugipa manderangko police-rang rim·na man·kujaenga.
Siju-Rongara constituency-ni MLA aro a·dokni Cabinet Minister Rakkam A Sangma-ni u·iatani gitade, cha·ugiparangko rim·na police-rang sandienga indiba da·o dipet cha·ugiparangko rim·na man·kujaenga.
Re·anggipa bilsini May jao, Core Geo Expedition dolni manderang, jasa batpile ia jolrangko wenani ja·man, chengoni ro·ong pil·gimin gitcham matburingrangni dongspako Tolegre song sambao donggipa Gongdap songoniko nikchengahachim.
Core Geo Expedition dolni nikani ja·man, Geological Survey of India (GSI) dolni official-rangba re·anggipa bilsio ia biapona re·bae, ia matburingrangara maichim aro badita bilsirangnichim uko tale ma·sie ra·na gita ia biaponiko adita sample-rangko ra·angaha.
Ia gitcham matburingrangni ro·ong pil·gimin dongsparangko nikani ja·man, ia biapko chel·chake rakkina songni manderang aro district administration-ba ia biapona skatang napaniko raken champengatahachim.
Indake ong·genchimoba, re·anggipa January jao, ma·sina man·gijagipa manderang, ia biapona re·angenba, ro·ong pil·gimin bimangrang chu·gimikkon cho·enba cha·uangahachim.
 |
ReplyForward
|