SHILLONG: Sorkari, New Shillong Township-o riknasienggipa Meghalaya Secretariat Building-na design-ko basena gita committee-ko songaha.
Chief Minister, an·tangan Meghalaya Secretariat Building-ko rikna design-ko basena bikotgipa Committee-ko dilenga.
Indake sorkari, Secretariat-ko design ka·na gita international aro national design firm-rangko tender galchina okamaha.
Meja January jaosan sorkari, New Shillong Township-ko gital Meghalaya Secretariat-ko rikna pangchakaniko songaha. Bilsi gittam somoini gisepon New Shillong Township-o civil secretariat-ni mitam building-rangko matchotna ka·dongenga.
Gital secretariat building-ko 53 acre-ni biapo rikna kror 1188 tangkako tik ka·aha. Secretariat aro Directorate campus-ko New Shillong administrative Township-o bakgni ba 2-phase-o rikgen. Complex-o ge 68 office-rang donggen, sak 700 manderangna chaknagipa auditoriuim aro sak 1829 staff-rangna facility donggen.
Lak 1.25 sq.m-ni floor area donggipa Phase 2 complex-o ge 56 offices, sak 4746 staff-rangna facility, auditorium ge·gni donggen jeon sak 200 manderangko chakgen.
