TURA: Meghalaya sorkarini ra·gatna miksongenggipa Meghalaya State Investment Promotion and Facilitation (MSIPF) Act 2024-ko ra·galpilchina aro a·doko Inner Line Permit (ILP)-ko ra·gatchina Khasi Students Union (KSU)-ni dabianio Garo Hills-ni A·chik Conscious Holistically Integrated Krima (ACHIK) dolba chakpaaniko parakataha.
ACHIK dolni parakatani gitade, ia MSIPF Act-ara KSU-ni janapgimin gitan Meghalaya a·doko songdongenggipa Tribal-rangni a·arangna aro bilrangna kenchakna nangani ong·enga.
“Meghalaya a·dokde a·doko songdongkamgipa Tribal-rangni a·arangsa ong·a aro Tribal-rangni a·arangko gipin jatrangna ba private company-rangna on·na ja·ku de·aniara a·dokni Tribal-rangna on·gimin bilrangko ra·sekani gita ong·enga,” ine ACHIK dolni dilgiparang parakataha.
Meghalaya a·doko songdongenggipa Tribal-rangni a·arangko chel·chakna gita 1971 bilsini Meghalaya Land Transfer Regulation Act-ko ja·rikangkuna nanga ineba ACHIK dabiangaha.
Meghalaya a·doko songdongkamenggipa Garo, Khasi aro Jaintia-rangko chel·chakna gita niam gri napsrukanirangko champengna Inner Line Permit (ILP)-ko ra·gatna nangchongmota ineba ACHIK dabiangaha.
Meghalaya State Investment Promotion Facilitation (MSIPF) Act 2024-ko Meghalaya State Investment Promotion & Facilitation (Amendment) Bill 2025 ine mingskaenba, Assembly-o pass ka·na ra·angahachim. Ia Act-o sorkari, para 34-ko ra·galenba, Meghalaya Land Transfer Regulation Act 1971-ni niamo nangchakeani dongjana gita ritingsako segatskaahachim.
Ia niamko pass ka·na sorkarini jotton ka·engani gimin jegalatengon, ia MSIPF-ara Tribal jatrangni aro land transfer Act-ni kosako re·ani gita ong·enga ine ia Act-ko ra·galpilchina KSU dabiangskaaha.
 |
ReplyForward
|