Shillong: A·dokni dingtang dingtang department-rango bangbang ong·e donggipa ge 127 post-rangna sak 28,670 candidate-rang porikkako segen ine Meghalaya Public Service Commission (MPSC) parakaha.
Mejaomangmangsan on·gipa admit card-ni gita competitive examination ba proikkako March 22, 2025-o ong·atenga. Shillong-ni dam 37 centre aro Tura sector-o damchet centre-rango porikkako seatgen. Chu·gimik candidate-rangoni sak 21,670 candidate-rang Shillong-o aro sak 7000 Tura-o porikka segen.
Ge 127 LDA vacancy-ko MPSC Notification No. 02/2024-o advertise ka·aha. Jekon meja bilsi 2024 November 20 tariko parakataha. Chu·gimik post-rangoni ge 36 gital parakatgipa vacancy ong·a. Ge·dok post-de unreserved category-ni ong·a. Ge 16 Khasi-Jaintia -na ge 12 Garo-na aro ge 2 gipin Scheduled Tribes aro Scheduled Caste-rangna ong·a.
Iarangni gisepon gitcham recruitment drive-ni gapatna man·gijagipa ge 91 post-rangko jekon MPSC Notification No. MPSC/Advt-38/1/2019-2020-31, tarik July 22 2019-o advertise ka·ahachim, ua post-rangko gapatgen. Uarangoni ge 16 unreserved category, 36- Khasi-Jaintia aro Garo-rangtna, ge 3-ko gipin Scheduled Tribes aro Scheduled Caste-rangna ong·a.
LDA post, Level 6-ni pay scale-o ga·aka. Hajalni hajal candidate-rang mikkang antio porikkako setokgen.
