New Delhi: Chief Minister Conrad K Sangma, USTM-ko nambatgipa University-rangoni ge·sa ine janape, University-ni degree-rang chong·motgipa ba kakketgipan ong·a ine aganaha, unbaksana ia university gimik niamrangkon ja·rika ineba aganaha.
Sonibar salo Constitution Club-o NPP-ni annual general body-ni tom·aniko ong·atao press conference-o kobor ra·timgiparangna aganprakataon Chief Minister, indine aganaha, “Meghalaya sorkari, gitcham university baksa maming neng·nikani dongja, maina uan a·dokni dongimin gimik niamrangko ja·rikgipa ong·a. Niatgenchimode USTM, nambatgipa private University-rangoni ge·sa ong·a.
Assam-o BJP-chi dilenggipa sorkarini matnanganirangni gimin aganchakengon Chief Minister, indake talataha, “haida a·dok sorkari baksa maiba neng·nika ba meligrikgijanirang dongnaba donga. Assam Police, mamlako nirokenga.
Assam Police-ni USTM-ni chancellor Mahbubul Hoque-ko rim·ani bidingo CM Sangma, ia kattarangko aganaha. Assam Police-ni special task force, Sribhumi-o mamla segatanio ja·ku de·aha. ERD Foundation-ni chalaigipa school-o porikkani somoio tik ong·gijanirang donganio matnangaha, ua Foundation-ni Chairman Hoque ong·a.
Indake ong·engon CM Sangma, Assam sorkari baksa meligrikgija bidingo mamingkon aganna jechakaha. ‘Anga Meghalaya sorkarini gitasa talatenga, gimik documentation ba lekkarang tik donga, maming gualani dongja.
USTM -o nambatgipa infrastructure donga aro nambatgipa environment ong·a. Iarangsan ong·aija staff-rang nama, uamang gimikan a·dokni chadamberangna on·gilagiparang ong·a. Meghalaya-o iandakgipa university donganina chinga kusi ong·bea aro rasong chaa. Ia University, North Eastern a·jani dal·batgipa educational network ong·a. National Assessement and Accrediation Council (NAAC)-oniko ‘A’ man·aha. National Institutional Ranking Framework (NIRF), ia university-ko a·songni ge 200 nambatgipa private university-rangni gadango napataha.
