TURA: South Garo Hills a·jani Balpakram National Park (BNP) samba jolrango donggipa dingtang dingtang biaprangoniko niam gri koela bikotenga ine Centre for Environment Protection and Rural Development (CEPARD) parakatenba, ia jolrango niam gri koela bikotaniko ta·raken champengatchina National Green Tribunal (NGT)-na badi ka·e sedoataha.
CEPARD-ni parakatani gitade, Balpakram National Park-oni kilometer 2-mang chel·ao donggipa Rongsu A·gal a·kingni Olwang a·brioniko niam gri koelarangko bikotenga aro ia koelarangko mitam manderang, an·tangtangni man·gnina niamrangko pe·e dakdilenga.
“Meghalaya a·doko niam gri koela bikotaniko NGT champengatmanahaoba Meghalaya a·dokni dingtang dingtang biaprango niam gri koela bikotanirangko nikna man·kuenga. Balpakram samba jolo donggipa Olwang a·brioniko niam gri koela bikotengani a·selan buring bolgrimrang nisigalako man·enga aro Rongkai, Rongri chiringrangba nosto ka·ako man·enga,” ine CEPARD-ni chief executive officer (CEO) Cherian G Momin parakataha.
Ia jolrangoniko niam gri koela salna Kalu jol gita niam gri ramarangko tariaha ine janapatengon, ia jolrangoniko niam gri koelarangko bikotenganiara, Coal Mines (Special Provisions) Act, 2015, Environmental Protection Act, 1986-ni ning·o dongimin niamrangko pe·an baksana Supreme Court aro NGT-ni ge·etanirangko manigija gitaba ong·enga ine CEPARD parakataha.
Indake ong·engon, Balpakram samba jolrango niam gri koela bikotaniko jakgitele sandirokchina aro dos donggipa manderangni kosako rakgipa ja·kurangko de·china gitaba CEPARD, NGT-ko didiataha.
A·doko niam gri koela bikotanirangko champengna gita bilakbate nirok sandianirangko dakchina gitaba CEPARD didiataha.
CEPARD-ni parakatani gitade, Balpakram National Park-oni kilometer 2-mang chel·ao donggipa Rongsu A·gal a·kingni Olwang a·brioniko niam gri koelarangko bikotenga aro ia koelarangko mitam manderang, an·tangtangni man·gnina niamrangko pe·e dakdilenga.
“Meghalaya a·doko niam gri koela bikotaniko NGT champengatmanahaoba Meghalaya a·dokni dingtang dingtang biaprango niam gri koela bikotanirangko nikna man·kuenga. Balpakram samba jolo donggipa Olwang a·brioniko niam gri koela bikotengani a·selan buring bolgrimrang nisigalako man·enga aro Rongkai, Rongri chiringrangba nosto ka·ako man·enga,” ine CEPARD-ni chief executive officer (CEO) Cherian G Momin parakataha.
Ia jolrangoniko niam gri koela salna Kalu jol gita niam gri ramarangko tariaha ine janapatengon, ia jolrangoniko niam gri koelarangko bikotenganiara, Coal Mines (Special Provisions) Act, 2015, Environmental Protection Act, 1986-ni ning·o dongimin niamrangko pe·an baksana Supreme Court aro NGT-ni ge·etanirangko manigija gitaba ong·enga ine CEPARD parakataha.
Indake ong·engon, Balpakram samba jolrango niam gri koela bikotaniko jakgitele sandirokchina aro dos donggipa manderangni kosako rakgipa ja·kurangko de·china gitaba CEPARD, NGT-ko didiataha.
A·doko niam gri koela bikotanirangko champengna gita bilakbate nirok sandianirangko dakchina gitaba CEPARD didiataha.