SHILLONG: Porikkako seatanio ong·gija kamrangko ka·a ine Assam Police-rangni matnange rim·ako man·gipa University of Science & Technology (USTM)-ni Chancellor Mahbubul Hoque, Budbar salo, a·dokni Chief Minister Conrad K Sangma-ko uni noko grongeaha.
Chief Minister-ko grongeani ja·man kobor ra·timgipa manderang baksa agangrikengon, Chief Minister Conrad Sangma una gamchatgipa agan-ku·pattianirangko on·ataha aro uni ku·pattianirangko ua ja·rikna miksongenga ine Hoque aganaha.
Mai ku·pattianirangko una Chief Minister on·atahachim, uni giminde ua mamingkoba parakna jechakskaaha.
USTM-ni mingnamani gimin janapatskaengon, ian India a·songo nambatgipa ge 200 university-rangoni ge·sa ong·paenga ine Hoque parakataha.
USTM-ni nisamsoanirangko janapatengon, 2030 bilsini gisepo a·gilsak gimik niksenggipa ong·na aro ASEAN a·songrangni chatro chatrirangko salbana gita ia University-ko ma·mong sorkarini Act East Policy-o pangchake dal·roroatna kam ka·enga ine USTM-ni Chancellor parakataha.
USTM-ni Chancellor Mahbubul Hoque-na adita salrangna skangsan Gauhati High Court, jaminko on·e pattokoniko jakgitel watahachim.
