WILLIAMNAGAR: Superintendent of Fisheries-ni report-ko man·soani ja·man, East Garo Hills District Magistrate, Vibhor Aggarwal, Bharatiya Nagrik Suraksha Sanhita (BNSS), 2022-ni Section 163-ko ra·gataha, aro niamgri na·tokko rim·na bomako, bijoliko, inverter-rangko, majal, milsi budu, bleeching powder, DDT, bisi ba na·tokrangko chibima ba chiringrango so·otna jakalanirangko district-ni gimik biaprangon champengataha.
Hukumo aganani gita, district-ni chibimarango na·tokrangko so·otanian dal·bea gimaniko ra·bani ong·a, aro unbaksana chemical-rangko jakalanian na·tokrangsan ong·aija, indiba sepang jolrango songdonggipa mande-rangni jangginaba ken·gniko ra·bani ong·jola.
U·IATTIMGIPAONI
Tura: West Garo Hills, Tura Araimail-o HDFC Bank-ni 25 gipa branch gitalko Chief Minister Conrad K Sangma sonibaro nokdonggae on·anga. Ia gital HDFC Bank gital branch-ko nokdongganio Tura ni gitcham MP Agatha K Sangma, West Garo Hills-ni SP Abraham T Sangma, Tura Municipal Board-ni CEO, Rikse R Marak aro St. Mary’s School-ni Principal Father Thomas John dongpae bak ra·angaha.
Nokdongganio Chief Minister Conrad Sangma jinmana aganprakengon, Meghalaya a·doko tangka paisa chimongchakram bank-rangko songadamo aro jilarango apalbatatna nangchongmotgipa ong·a ia HDFC gital branch-ko Garo Hills-o man·taianira jolo dongenggipa mande-rangni namroro silroroa-nina ba dal·roroanina dakchakani gita ong·a aro chona rema badingchiwale cha·giparangna game ge·e cha·giparangna aro chadamberangna tangka-rangko chimonganio altu-batata ine aganangaha unbaksa Meghalaya a·dok-ni songadamrangonaba bank-rangko sokatna a·dok sorkari rake kam ka·enga aro Bank-ni gimin agantalate on·a nanga ineba aganangaha.