Meghalaya-ona bang·bate tourist-rang sokbaa

New Delhi: Northeastern ba salgro salaram a·jaona tourist ba songrebagiparangko niatgenchimode Assam-ni ja·man gnigipao Meghalaya a·dokan, bang·bate tourist-rangko rimchaksoaha.
Sak 13,71,674 tourist-rang Meghalaya -ona sokbaaha. Assam-ona sak 76,12,720 tourist sokaha ine Union Minister of State for DoNER, Mr Sukanta Majumdar, parliament-o aganaha. Ia bilsion sak 19,973 tourist-rang Meghalaya-ona sokbaaha.
Chonbegipa a·dok Sikkim-ona bang·bate gipin a·songoni tourist-rang sokbaaha. Sak 93,908 foreign tourist ba gipin a·songni manderang biapko nina re·batokaha. Gnigipa Tripura (66,708), Assam (23,818) aro Meghalaya (19,973). Manipur a·doko golmal ong·engani gimin komibee tourist-rang sokaha.
Bilsi 2023-o India-ona Bangladesh-oni 2.12 million tourist-rang sokbaaha ine Ministry of Tourism parakaha. Northeastern a·jaona sak 1,20,78,776 domestic aro sak 2,21,050 foreign tourist-rang sokbaaha.
Ministry of Development of North Eastern Region-ni skang done kam ka·gipara Northeastern Region-ni tourism-ko namdapatna ong·a. Ministry- North East Special Infrastructure Development Scheme (NESIDS), Prime Minister’s Development Initiative for North East Region (PM-DevINE), Schemes of North Eastern Council -ni gita bang·en infrastructure project-rangko ab·achengataha. Uarang salgro salaram a·jani tourism sector-ko namdapatna ong·a ine Minister aganaha.
Bilsi 2023-o India, 9.52 million foreign tourist arrival (FTA)-ko aro 2.51 billion domestic tourist-ko rimchaksoaha.