TURA: South West Garo Hills a·jani Balapara songo Jal Jeevan Mission (JJM)-ni kamrangko matchotgenchimoba songni manderangna chirangko sokate on·na man·jaengani gimin A·chik State People’s Front (ASPF) Garobadha regional unit, ia kamko jako ra·e ka·gipa BAC Infratech Pvt Ltd-ni kosako Garobadha OGC-ni officer-in-charge-na FIR ka·doangaha.
ASPF Garobadha regional unit-ni president Sanjhu T Sangma-ni u·iatani gitade, Balapara songni nokdangrangna JJM-ni chi pipe-rangkode sale on·aha indiba chi pipe-rangko sale on·chengaonin changsaba chirangko man·kujaenga ine songni manderang badi ka·doangahani gimin ia company-ni kosako uamang FIR ka·aha.
“Songadam nokadamrango donggipa nokdang ge·antinan namgipa ringani chirangko sale on·na miksonganiosa JJM scheme-ko ma·mong sorkari a·bachengataha. Balapara songo chi pipe-rangkode sale on·ahaoba chirangko manderangna on·na man·kujaenga aro ian ia company-ni kamo chu·sokgijaniko mesokani ong·a. Iani bidingo songni manderang changni chang badi ka·ahaoba uamang chirangko sokate on·na maming kamrangko ka·jaha,” ine ASPF Garobadha regional unit-ni president parakataha.
Ia songo JJM-ni kamrangko chu·gimik matchotate on·jahani a·selan songni manderang batanggimin bilsi gittam ba brimangna chirangko man·jae neng·nikanirangko chagrongna nangtokenga ineba Sangma parakataha.
Ia songni manderangna chirangko on·na man·jaengani a·selan songni manderang, da·o gita March-May jarangni gisepo china dilchichamiting somoirangode neng·nikanirangko man·batna nangtokenga ine janapatskaengon, maini gimin songni manderangna chirangko on·na man·jaenga, uarangni bidingo BAC Infratech Pvt Ltd-o sing·sandichina aro sorkarini dongimin niamrangko chu·sokatna man·jahani gimin ia company-ni kosako rakgipa ja·kurangko de·china ASPF Garobadha regional unit, Garobadha OGC-ni OC-ko didiataha.
SWGH a·jani Balapara songo JJM-ni chiko man·jaengani gimin FIR ka·a
Date:
Share post:
