5G ambulance service-ko parakata

SHILLONG: Emergency medical aro pre-hospital care ba ta·rake sanna bannaniko nanggipana aro hospital-ona sokna skang sannani bannaniko on·na miksonganio skanggipa 5G ambulance service-ko parakataha.
Ia advance ambulance-o mobile emergency room donga, sagipa mande gario gadoaonin sannaniko man·gen. 5G connectivity, medical data, ambulance-o donggipa live visual-ko jolan hospital-ni emergency unit-ona transfer ka·na ba watna man·aigen. Iachi doctor-rang ta·raken somoi bon·atgipa sagipa mandeko sanna man·gen. Aro sagipa mandeni hospital sokna skangan sannani bannaniko tarisona man·gnok.
Ambulance-o dingtang dingtang dakgipa feature-rang donga, jekai- high-defination camera, advance monitoring system, real-time communication tool ba uandakgiparang donga. Iarang hospital-ni command center baksa link ong·a ba nangdima, iachi doctor-rang medica team baksa agangrikatna cholko man·aigen aro ambulance-ni location ba gari badia biapo donga iarangko u·ina man·gen.
Vital sign aro telemetry data-ko hospital-ni specialist-ona watjolna man·a, ian on-ground staff-rangko maiko dakna nanga nangja iako aganatna ba skie on·na man·gen. Ia system-ara sannani bannaniko ta·rakata baksana hospital-ni team-ko sasgipa mande sokangna skangna sannaniko tarisona cholko on·gen.
Ia ambulance-ko Apollo trinity centre-o a·bachengataha.
Ia service-ko Shillong-o donggipa je mandeba 4-digit helpline nomborko jakkale ra·na man·gen, indiba tangka gamna nangskaa. Ia service-ara Apollo -o sannaniko ra·giparangnasan ong·aija, songjinmaoni gimik manderangan iako jakkalna man·gen ine Apollo Trinity Medical Centre, Shillong-ni CEO Sebapriya Deb aganaha.