SHILLONG: Ru·uta bilsirangonin Meghalaya a·doko Bharatiya Janata Party (BJP)-ni bipekko kuliahaoba da·onan MLA-rangko bariatna man·kujaengon, BJP-ni dilgiparang, re·baenggipa 2028 bilsini Assembly election-na skangde onbatgipa gadangonin party-ko mangrakbatatchengna tik ka·angaha.
Iani bidingo kobor ra·timgipa manderang baksa agangrikengon, “Meghalaya a·doko sorkariko rikna ba seat-rangko bang·bate chena gitade chinga onbatgipa gadangonin party-ko bilakatchengna nangenga. Chinga Meghalaya a·doko party-ko rikna a·bachenga changantian dingtang dingtang a·selrangchi chu·sokgipa ong·rongja aro uandaken chinga kamrangko a·bachengtaina nangpilronga,” ine BJP-ni dilgipa Gagan Jain aganaha.
Ian ru·utbea bilsirangna ong·enggipa obosta ong·a ine janapatengon, iani giminsa da·o uamang, onbatgipa gadangon membor-rangko bilakatchengna tik ka·aha ine Jain parakataha.
“Party-ko onbatgipa gadangonin bilakchengja ong·ode aro booth-level committee-rangko songjagenchimode chinga election-rango chegipa ong·na man·teljawa. Uni gimin da·o re·baenggipa bilsi gittamni gisepo chinga onbatgipa gadangkon rikchengna kam ka·gen,” ine ua aganaha.
Meghalaya a·doko BJP-ni re·mikkanganiko janapatengon, 1990 bilsirangonin BJP, Meghalaya a·doko susabaengaha indiba 2000 bilsirangosa seat damgittamko, chong·motan East Khasi Hills-o seat damgni aro Garo Hills-o seat damsako chena man·aha ine Jain parakataha.
Meghalaya a·doko BJP, United Progressive Alliance (UPA) sorkarini somoirangode chu·sokgipa ong·na man·chipjahachim indiba 2018 bilsini Assembly election-o seat damgniko chena man·aha aro uni ja·man 2023 bilsioba apsan daken seat damgniko chepiltaina man·aha.
Meghalaya a·doko BJP, 10 percent-ni gita vote share-ko man·rongenga aro batanggimin chang Lok Sabha election-rango vote man·ani namkalbatbaaha ineba Jain aganaha.
2014 bilsini Lok Sabha election-o BJP-ni state vice president Shibun Lyngdoh, 97,000 vote-rangko man·ahachim.
“Uni gimin sorkariko rikna man·kujaskal chinga onbatgipa gadangon kamko ka·angkugen aro bilakbate kamrangko ka·angkugen,” ine Jain aganaha.
 |
ReplyForward
|