To aro LPG-ni damko komiatpilchina Cong dabia

TURA: India a·songo petrol, diesel aro Liquified Petroleum Gas (LPG)-ni damrang tang·dobatroroengani a·sel ramram manderangsa neng·nikanirangko chagrongna nangtokenga ine Budbar salo, South Garo Hills a·jani District Youth Congress (DYC) parakatenba, to aro LPG-ni damrangko komiatpilchina ma·mong sorkario dabiangaha.
Petrol, diesel aro LPG-ni damko rakbatroroatengani a·sel gari gorarangko jakkalenggipa manderangsan ong·aigija songo noko LPG-rangko jakkalenggipa manderangba neng·nikanirangko chagrongna nangtokenga ine Budbar salo, DYC-ni membor-rang, South Garo Hills a·jao jegalanirangkoba dakangaha.
“Da·al salni bako petrol, diesel aro LPG-ni damko gong 2-chi bariattaiahani gimin chinga South Garo Hills-ni District Youth Congress, iako raken jegalenga, maina gari gora aro LPG-rangko chol donggipa manderangsan jakkalenga ong·ja indiba songadam nokadamrango donggipa manderangba jakkaltokpaenga. Petrol, diesel aro LPG-ni damrangko komiatpilchina chinga ma·mong sorkario dabienga,” ine South Garo Hills DYC-ni president Arjun S Marak parakataha.