AMPATI: Sukrobar salo, South West Garo Hills a·jani Rerapara C&RD Block ning·o donggipa Harikel English School-o World Malaria Day-ko maniangaha aro ia program-ko ong·atanio, Rerapara C&RD Block-ni Block Development Officer A Ch Momin, mongsonggipa sokgipa ong·e bak ra·angaha.
Ia World Malaria Day-ko manianio, Malaria, Japanese Encephalitis (JE), Tuberculosis (TB), Leprosy, aro uandakgipa sabisirangni bidingo manderangna mikrakatanirangko on·angaha aro ia salko maniani bak gita noksa salsusaani aro sing·anirangna aganchaksusaaniko skulo poraienggipa bi·sarangna ong·atangaha. Ia susaanirango chegiparangna, Rerapara BDO-ni jakchi boksisrangko suale on·angaha.
Ia program-ko ong·atanio, TB saaniko man·e warachakgipa mande saksa, an·tangna ong·a obostarangko agananichi, manderangna ka·dongatanirangko on·angaha.
Ia tom·anio, TB saani gri ong·gipa Dalupara aro Asnagre songrangnaba, uamangni TB saaniko bon·atna rakbee kam ka·anichi chu·sokgipa ong·ahani gimin dingtangmancha BDO-ni jakchi boksisrangko on·angaha.
Ia program-ko ong·atanio SWGH a·jani District Malaria Officer Dr Lydia Marak, jinmana aganprakangengon, ia jolrango malaria saanirangko man·giparang komiangahani gimin agan-talatanirangko on·angaha. Indake ong·genchimoba, Malaria sabisina mikrake dongangkuchina, fever saaniko man·on, porikka ra·e nijringchina aro da·o gita wachini somoirango chel·chakanirangko dakjringchina Dr Marak, didianiko on·ang
