SWGH-o cha·ani tarigipa dokan ge·sako chipata

AMPATI: South West Garo Hills Garobadha ni ning·o ga·akgipa Ambari bajarniko cha·ani dokanrangko adita sandie niangenba dokan ge·sako sera bera dake cha·ani tarie manderangna palenganiko nike iandakgipa cha·anirangko cha·ode an·chingni be·ena kenchakani ong·ani gimin mongsongbate salantio skul re·gipa chatro chatrirangna aro jolni manderangna ian namjawa ine A·chik Concious Holistically Integrated Krima (ACHIK), South Western Zone-ni Co-Chairman Salchu Brejio M Marak ni dilanichi Police-rangna u·iatenba uamang baksa sera bera cha·ani tarigipa dokanko chipatenba Chabiko Police-rangna pakwate on·angaha, aro Food Safety departmentni officer-rang re·bae name sandiako dakkujna king dokanko kulina man·jawa ine dokanko chalaienggipana mikrakate donangaha.