TURA: Da·o gita wachini somoirango chi banani aro a·a rurongani somoirangona tarisamsoaniko nipilna gita Budbar salo, West Garo Hills a·jani Deputy Commissioner Vibhor Aggarwal-ni dilanichi District Coordination Committee (DCC)-ni tom·aniko Tura-ni Circuit House-o ong·atangaha aro ia tom·anio, West Garo Hills a·jani Superintendent of Police (SP) Abraham T Sangma, Dadenggre Civil Sub-Division-ni Sub-Divisional Officer (Civil) Aditya Verma, Dalu Civil Sub-Division-ni SDO S Ch Sangma, Block Development Officer-rang, aro dingtang dingtang department-ni officer-rangba bak ra·angtokaha.
Tom·aniko a·bachengatanio, West Garo Hills-ni DC Vibhor Aggarwal, tom·anio bak ra·giparangna aganprakengon, bilsiantian wachini somoirango chi banani aro a·a ruronganirangko nikna man·ronga aro iandakgipa a·sel ong·ani somoirango dakchakanirangko on·na a·ja ge·antian tarisamsoe dongna nanga ine aganaha. Iandakgipa obostao department ge·antian dingtang dingtang daitorang donga ine janapatengon, department ge·antini dakna nanggni kamrangko Deputy Commissioner, agan-talate on·angaha.
Dingtang dingtang department-rangni tarisamsoanirangko knatime ra·angengon, nangani kri an·tangtangni nanggipa bosturangko aro cholrangko ra·dapchina gita DC, dingtang dingtang department-ni officer-rangko ge·etangaha.
Ia tom·anio, West Garo Hills DRDA-ni Project Director aro Tura Municipal Board (TMB)-ni Chief Executive Officer Jude RT Sangma, power point presentation-ko dakangskaengon, TMB-ni u·iatgimin kenchakna nangbatgipa biaprangko, a·sel ong·ani somoirango dakchakanirangko on·na tarisamsoanirangko, Emergency Operation centre-rangko kuliani, Disaster Risk Management program-rangni gimin aro a·sel ong·anio duko ga·akenggipa manderangna dakchakanirangko on·anio dingtang dingtang dolrangni aro manderangni dakna nanggnirangkoba talate on·angaha.
Wachini somoirango nangchakeaniko man·ronggipa Tura jillani biaprangara, Modynagar, Hawakhana, Deran Gittim, Kamipara, Rishipara, Balsri Ading, Upper Chandmari, Akonggre, Chitoktak, Akimbri, Dobasipara, Sillanggre, Reserve Gittim , Nikrang Ading, Alotgre, Ringrey Gittim, Boldak Ading, Dobakkol, Dharamsala, Upper Babupara, Gongadamal aro gipinrang ong·a.
Ia tom·anio, West Garo Hills-ni SP Abraham T Sangma-na aganprakengon, Police Control Room-ni Emergency nomborara 112 ong·a aro MePDCL-ni Toll Free nomborara 1912 ong·a ine talataniko on·angaha.
A·sel ong·ani somoirango ta·raken kamrangko ka·na man·a gita pilak Sub-Divisional Officer (SDO)-rangko aro Block Development Officer (BDO)-rangko, an·tangtangni a·jao nangchakegipa officer-rang baksa agangrike kamko ka·china gitaba DC ge·etangaha.
Wachini somoirangona tarisamsoaniko nipilna DCC-ni tom·aniko ong·ata
Date:
Share post:
