SHILLONG: A·doko dingtang dingtang kal·susaanirangna rika cho·anirangko dakengon Opposition leader, Mukul Sangma togiani dongchapaniko chanchichipenga.
2017-o national games-ko Meghalaya-o ong·atna chanchiani ja·man ma·mong sorkarini gita bang·a stadium-rangko rikna tangka paisarangko chamataha, ine Sangma aganaha.
“Bang·a stadium-rangna tangka paisarangko chamaha indiba kamrangkosa a·bachengatkuja,” ine ua aganaha. Ge-2 indoor stadium-rangko rikna NEC tangka paisarangko chamataha indiba a·dok sorkari ia fund-rangko jakkalna changja aro NEC fund-rangko ra·angpilaha, ine ua agandapangaha.
“Ia tangka paisarangko jakkalanganio 2018 bilsini ja·man Meghalaya sorkari maiko dakaha. An·chingara tangkana kratchaengama,” ine ua sing·doaha.
Gipin rika cho·anirang baksa Ampati stadium-ko rika cho·aniko dakengachim ine u·iataha, PA Sangma stadium-ko a·a acre 25 baksa gipin biaprango rikna nanggipa ong·engachim ine ua aganaha.
“Indiba sorkari ia apsan stadium-ko skangan Dikki Bandi stadium dake ma·sitokahachim ianon rika cho·aniko dakna baseha aro iakora skangan rika cho·anikode dakmanahachim ine aganaha. Rika cho·anirangko dakangenga aro tik tak ong·gipa resource-rangoni invest ka·ani niamni gita agreement-ko dakna nangachim ine ua agandapangaha.
Togiani dake iako aganangengon, dingtang dingtang biaprango kragipa bewalo rika cho·aniko sorkari dakna nanga ine ua aganaha.
“Stadium-rangko na·a rikna nangja jeon garirangko donchakna biap dongja,” ine ua aganaha.
Kal·susanirangna rika cho·anirango bang·a togianirang donga: Mukul
Date:
Share post:
