TURA: West Garo Hills a·jani Demdema Block-ni ning·o songdonggengipa Muslim jat manderang Mahatma Gandhi National Rural Employment Guaran-tee Act (MGN-REGA)-ni job card-na niamgri bimung segatanirang batroroenga-nina The Confederation of Megha-laya Social Organi-sations (CoMSO) aro Garoland State Movement Com-mittee (GSMC) baksa nangrime Deputy Commis-sioner-na badi ka·angaha. MGNREGA database-niko sandion sakbri Data Entry Operators (DEO)-rang Block Development Officer (BDO)-ni maming approval donggija niamgri MGN-REGA-na bimung segata-niko nikna man·aha.
Indake ong·engon iani-gimin Butbaro Demdema Block-o Dadenggre Sub-Divisional Officer (SDO) baksa aro BDO, Assistant Programme Officer aro CoMSO aro GSMC-ni CoMSO General Secretary Balkarin Ch. Marak, Publi-city Secretary Tony Tojrang B. Marak, GSMC Organi-zing Secretary Jason Tek-rang M. Sangma, aro Finance Secretary Nik-cheng Ch. Marak dong-paae tom·ani bak ra·ang-paaha. Ia tom·anio sakbri DEO-rangni maming lekka pancha gri MGNREGA-na bimung segataniko ma·sina man·aha, mongsongbate song damsaode sak 200 ong·na sipile maming pangchaka gri job card-o bimung napataniko nikaha ine CoMSO aro GSMC parakataha. Unigimin ian-dake niam gri MGNREGA job card-o donggipa man-derangko niamgita ja·ku de·china aro iano jak dong-gipa DEO-rangkoba kamo-niko dondipatchina CoMS-CO aro GSMC dabiangaha.
Iani bidingo Dadenggre-ni SDO ia niam gri job card-o bimung segatgiparangko MGNEGA-oni ra·gale galgen aro uno jak dong-gipa DEO-rangko niamo pangchake kamoniko dondipatgen ine ku·chaka-nirangko aganangaha unbaksa nokantiona re·e Job Card nokgiparangko sandigen ine aganangaha.
