SHILLONG: Shillong songjinmani Umsohsun jolo, skul re·enggipa me·-chik bi·sarangko skirt kikdoe an·tangni phone-chi ka·e ra·anina police-rang, Assam-ni bilsi 24 ong·gipa mande saksako rim·aha.
East Khasi Hills a·jani Superintendent of Police (SP) Vivek Syiem-ni u·iatani gitade, re·anggipa May 24 tariko, skul re·angenggipa me·chik bi·sako skirt kikdoe kal·akani video giproro-angani ja·man police-rang, dos dakgipa mandeko sandina a·bachengataha aro dos dakgipa mandeko May-ni 28 tariko, Assam a·dokni Bamkukurachua minggipa songoniko rim·na man·aha.
Skul re·angenggipa me·-chik bi·sako skirt kikdoe, an·tangni mobile phone-chi ka·e ra·gipa video giproroangani ja·man ia mandeko sandina gita Additional SP (Operations) Ivan B Diengdoh-ni dilani-chi dingtangmancha police-rangni dolko song-aha aro ia mandeko am·san-dina a·bachengataha.
Koborko on·ani gitade, ia a·sel ong·ani, re·anggipa May 23 tarik pring 6:35 bajimango Umsohsun-ni YWCA sambao ong·aha-chim. Ia me·chik bi·sako sandie man·ani ja·man, uko porikka ra·e niataha aro iani bidingo Lumdiengjri Police Station-o FIR-koba ka·aha.
SP-ni u·iatani gitade, iana skang May-ni 19 tarik pring 7:15 aro 7:30 bajini gisepo, Police Bazar-o donggipa Dreamland sam-baoba apsan daken, sak-gipin me·chik bi·sako uni skul re·angmiting somoio skirt kikdoe kal·akahachim.
Iani bidingo dingtang FIR-ko Sadar Police Station-o ka·skaaha ine SP u·iataha. Police-rangni sandirokanio, dos dakgipa mandeara Jorhat-oni Himan Gogoi minggipa mande ong·a ine ma·sina man·aha aro May-ni 28 tariko, Woman Police Sub-Inspec-tor Lavinia Kongwang-ni dilanichi dolsa police-rang, Jorhat-ona re·angaha. Jorhat-ona sokangani ja·-man, Teok Police Station-ni ning·o donggipa Lahdoi-garh outpost-ni dakchaka-nichi a·dokni police-rang, Bamkukurachua songo dos dakgipa mandeni dongnu-chakenggipa uni ma·drang-rangni nokko chadrapeaha aro dos dakgipa mandeko rim·na man·aha.
Police-rang ia mandeo-niko, uni dos dakanio jak-kalgipa mobile phone-rang aro gipin sakkirangkoba man·aha.
Indake ong·engon, dos dakgipa mandeko Jorhat-ni District Court-o mikkang-paatchenggen aro ja·mano uko Shillong-ona rimbagen ine East Khasi Hills a·jani SP parakataha.
East Khasi Hills a·jani Superintendent of Police (SP) Vivek Syiem-ni u·iatani gitade, re·anggipa May 24 tariko, skul re·angenggipa me·chik bi·sako skirt kikdoe kal·akani video giproro-angani ja·man police-rang, dos dakgipa mandeko sandina a·bachengataha aro dos dakgipa mandeko May-ni 28 tariko, Assam a·dokni Bamkukurachua minggipa songoniko rim·na man·aha.
Skul re·angenggipa me·-chik bi·sako skirt kikdoe, an·tangni mobile phone-chi ka·e ra·gipa video giproroangani ja·man ia mandeko sandina gita Additional SP (Operations) Ivan B Diengdoh-ni dilani-chi dingtangmancha police-rangni dolko song-aha aro ia mandeko am·san-dina a·bachengataha.
Koborko on·ani gitade, ia a·sel ong·ani, re·anggipa May 23 tarik pring 6:35 bajimango Umsohsun-ni YWCA sambao ong·aha-chim. Ia me·chik bi·sako sandie man·ani ja·man, uko porikka ra·e niataha aro iani bidingo Lumdiengjri Police Station-o FIR-koba ka·aha.
SP-ni u·iatani gitade, iana skang May-ni 19 tarik pring 7:15 aro 7:30 bajini gisepo, Police Bazar-o donggipa Dreamland sam-baoba apsan daken, sak-gipin me·chik bi·sako uni skul re·angmiting somoio skirt kikdoe kal·akahachim.
Iani bidingo dingtang FIR-ko Sadar Police Station-o ka·skaaha ine SP u·iataha. Police-rangni sandirokanio, dos dakgipa mandeara Jorhat-oni Himan Gogoi minggipa mande ong·a ine ma·sina man·aha aro May-ni 28 tariko, Woman Police Sub-Inspec-tor Lavinia Kongwang-ni dilanichi dolsa police-rang, Jorhat-ona re·angaha. Jorhat-ona sokangani ja·-man, Teok Police Station-ni ning·o donggipa Lahdoi-garh outpost-ni dakchaka-nichi a·dokni police-rang, Bamkukurachua songo dos dakgipa mandeni dongnu-chakenggipa uni ma·drang-rangni nokko chadrapeaha aro dos dakgipa mandeko rim·na man·aha.
Police-rang ia mandeo-niko, uni dos dakanio jak-kalgipa mobile phone-rang aro gipin sakkirangkoba man·aha.
Indake ong·engon, dos dakgipa mandeko Jorhat-ni District Court-o mikkang-paatchenggen aro ja·mano uko Shillong-ona rimbagen ine East Khasi Hills a·jani SP parakataha.