Sunday, June 29, 2025
spot_img

Baikam-ni bang·bata manderangan M’laya-ni bak ong·na nangnika: Dy CM

Date:

Share post:

spot_imgspot_img

KHLIEHRIAT: Meghalaya Deputy Chief Minister, Sniawbhalang Dhar jean a·dokni ning·o East Jaintia Hills-na dongipa Regional Committee-ni Chairman ong·enggipa Sukrobar salo Baikam songko man·chape dingtangmancha sima ario donggipa  Ratacherra songko Maghalaya-o chanchapatchina ra·ban baksa Assam-Meghalaya Boundary MoU-ni bidingo nipilani tom·aniko dilaha.
Nipilani tom·anio dong-pagiparangara, Deputy Commissioner, East Jaintia Hills District, Shivansh Awasthi, Additional Deputy Commissioner, East Jaintia Hills District, Smti. J.U Kharpuri, Superintendent of Police, East Jaintia Hills District, Giri Prasad, Sub-Divisional Officer (Sardar), East Jaintia Hills District, M. Kumar, Additional Superintendent of Police, East Jaintia Hills District S. Paslein, Block Development Officer, Wapung C&RD Block, East Jaintia Hills District, M. Kyndait, Baikam, Ratachera, Malidor, songni nokmarang aro Baikam songni manderang dongpa. Baikam songo nok te-37 donga unoni nok te-30-rangni gitade Meghalaya-ni bak ong·na sikaniko parakangaha ine tom·ani ja·man Deputy Chief Minister kobor ra·timgiprangna aganaha.
Dolgnini Regional Committee-na tom·ani cholko on·gipa dake ong·aha aro songni manderang neng·nikanirangko agannaba chol ong·aha aro East Jaintia Hills District-ni Deputy Commissioner aro songsul Asssam-oni dilgiparang baksa bon·kame chanchirimaniko bon·kame agangrikaniko dakna skang mamlarangni bidingo agangrikaniko ta·rake dakgen, ine ua aganaha.
East Jaintia Hills-ni Deputy Commissioner aro songsul Asssam-oni dilgiparangni gisepgriko chanchirimna skang, ja·kuko de·angna District Administration-ni gita a·dok sorkarina report-ko on·anggen.
Baikam songni gita scheme-rangko man·engani bidingo sing·anina Deputy Chief Minister aganaha, da·o dipet songni man-derang damgni Meghalaya aro Assam a·dokrang-onikon namgnirangko man·soenga aro bon·kame chanchianiko dakna nangenga jedakode man-derang dongkuenggipa sorkari scheme-rangko man·gen.
Neng·nikanirangko namatna miksongan baksa Baikam-ni mamla dong-kuenggipako aganna Cachar-ni Deputy Commissioner baksa mingsa donggipako man·chape batanggimin somoirango bang·a bakrime chanchi-anirangko dakaha ine East Jaintia Hills-ni Deputy Commissioner Shivansh Awasthi u·iataha.

spot_imgspot_img

Related articles

India rejects Pak Army’s claims on Waziristan suicide attack, says statement deserves contempt

New Delhi, June 29:The Ministry of External Affairs (MEA) on Sunday strongly rejected the Pakistan Army's claim that...

Cloudburst in Uttarkashi, eight missing

Uttarkashi, June 29 :At least eight people have been reported missing after a cloudburst struck Baligarh along the...

TN sets up committees to monitor caste discrimination, violence in schools

Chennai, June 29:To curb caste-based discrimination and violence among school students, the Tamil Nadu School Education Department has...

Mullaperiyar shutters to open today amid rising water levels; yellow alert in 5 Kerala districts

.Thiruvananthapuram, June 29 : Amid continuous rainfall in the catchment areas, the water level at the Mullaperiyar dam...