Shillong/New Delhi: Indian Institute of Corporate Affairs (IICA), Ministry of Corporate Affairs aro Meghalaya sorkarini Commissioner aro Secretary, Planning, Dr. Joram Besa IAS-ko man·chape a·dok sorkarioni mongsonggipa a·gipi official-rangni gisepgriko chugipa gadango tom·aniko ong·ataha. Jeon Shri Gyaneshwar Kumar Singh, Director General & IICA-ni CEO, Institute-ni nikjumangsoani, dakna nanggnia aro a·songna nangtelgipako talataha. IAACA-ni bilakgipa kamrang, Advocacy, Training, research aro advisory-ko man·chape dilgipa ong·aniko ua talataha.
Tom·ani somoio, DG&CEOSh Singh a·dokni department-rangna u·iataha jeon New Shllong Township-o a·a acre 5 donggipako 2025 bilsini June 2 tariko IICA-na Meghalaya sorkarini Chief Secretary Shri Donald Phillips Wahlang aro Ministry of Corporate Affairs, Secretary Ms. Deepti Gur Mukerjee-ni mikkango pakwate on·aha. Salgro salaram a·dorango IICA-ko ra·badapanichi ian tom·ani chu·sokanina see rakkigipa ong·aha.
Shri Gyaneshwar Kumar Singh, DG & CEO, IICA, Shillong campus-ko itihasni bak ong·e talatangaha, “Delhi songjinmani apalo chingni skanggipa bi·sa ong·enga, ian bilakdapatanina aro ma·mongoniko ra·bagipa chin ong·enga.” Entrepreneurship-ni dakchakanio gitalgipa campush-ni dakna nanggni, rikna man·ani aro a·songni dakna nangchenggipa jekai Ease of Doing Business, Atmanirbhar Bharat aro Viksit Bharat 2047 baksa bakrimanio namgipa sorkariko rikna nanggipani bidingo ua talataha.
Rising North East-ko a·bachengatani somoio Prime Minister Narendra Modi-ni agangipa DG agandapangaha, salgro salaram a·dokrangko “Ashtalashmi of India” dake che·ani ine Prime Minister aganaha, a·dokrang nitogipa biaprango man·e cha·a, changa sapanirang aro bil gnanganirang chu·onga gitan donga. “A·dok dingtangenggipa bak ong·enganina IICA rasongchaenga ian New India-ni bilakgipa dal·-roroanina tang·doatgipa kol ong·enga,” ine ia nikjumangsoani baksa bakrimanio ua aganaha. Ian dingtangmancha Prime Minister-ni ‘Sabka Saath, Sabka Vikas, Sabka Vishwas, Sabka Prayas’-na bia ong·a, ine ua agan-talataha.
