Monday, June 30, 2025
spot_img

Tura-ni gittimrangko A·chik bimingchi mingchina AYWO dabia

Date:

Share post:

spot_imgspot_img

TURA: Tura songjinmao donggipa dingtang dingtang gittimrang, jekai Araimile, Dermile, Hawakhana aro uandakgipa gittimrangko gipin ku·sikrangchi minganiara A·chik jat aro a·songna nitogijaniko ra·baan baksana ku·tangchi biming minganiko dal·e ra·ja gita ong·enga ine A·chik Youth Welfare Organisation (AYWO) parakatenba, ia gittimrangko A·chik bimingrangchi mingsrechina dabiangaha.

AYWO-ni general secretary Changkey R Marak-ni parakatani gitade, Tura-ni Araimile gittimko Goanang Baptist Mondolini bimingo pangchaken Goanang ine mingahachim indiba bang·bata manderangan ia bimingni pal da·onan Araimile inesa jakkaltokkuenga aro ian ia gittimnasan ong·aigija A·chik jat aro a·song gimiknan nitogijaniko ong·atenga.

“Apsan daken Hawakhana-koba skangonin Balnangkol Achura inesa mingachim indiba da·alonan ia gittimko Hawakhana ine gipin ku·sikchisa manderang jakkaltokkuenga. Una agreba, manderangni Dermile minggipa biapkoba ia biap gita jokenggipa Rong·ka Chiringni bimingchisa Rong·ka A·ding ine skangonin mingbaahaoba da·alonan manderang, ia gittimko A·chik bimingchi minggija gipin ku·sikchisa mingtokkuenga,” ine AYWO parakataha.

Tura-o Supari Colony, Mahindra Colony aro uandakgipa gittimrangko gipin ku·sikrangchi biming donanirang batrorobaengani gimin an·tangni suk ong·gijaniko jegalatengon, iandakgipa gittimrangko sandie, A·chik bimingrangchi mingsrechina AYWO-ni general secretary, West Garo Hills a·jani Deputy Commissioner-ko didiataha.

Khasi Hills-o jekai Lady Hydari Park-ko Ka Phan Nonglait Park aro Cherrapunji-ko Sohra mingaha apsan daken Garo Hills-oba, mongsongbate Tura songjinmao, gipin ku·sikrangchi biming dongipa gittimrangko A·chik bimingrangchi mingchina gita AYWO, a·dok sorkariko didiataha.

spot_imgspot_img

Related articles

RBI Cut Repo Rate by 0.5% in June 2025 – Good News for Home Loan

On 6th June, 2025, the Reserve Bank of India surprised markets with a 50-basis-point (bps) reduction in the...

Finance Minister Sitharaman begins Spain, Portugal and Brazil visit to showcase India’s growth story

New Delhi, June 30: Union Finance Minister Nirmala Sitharaman began an official visit to Spain, Portugal and Brazil...

Two intruders killed as Army foils infiltration bid on J&K LoC, local ‘guide’ caught

Jammu, June 30: The Army said on Monday that it has thwarted an infiltration attempt on the Line...

India poised to emerge as centre of gravity in new world economic order: Anand Mahindra

Mumbai, June 30: The USA’s shift toward de-globalisation may ironically lead to a new avatar of globalisation that...