WILLIAMNAGAR: Garo Hills Youth Solidarity (GHYS) chang·satai East Garo Hills Williamnagar, Kusimkolgre rama bibrao Garo Hills Autonomous District Council-ni shoping complex-ko matchotgija galchipe donenganina GHADC ko matnangataia. Ia project-ni dongkuenggipa kamrangko ru·uta bilsina kam ka·chipgija matchotgija donaniara jolni manderangko ka·donggramatani ong·a ine GHYS-ni President Endick M Marak parakataha.
East Garo Hills-ni skotong songjinma Williamnagar-ona re·napchengon ia matchotgija galchipe dongipa building-ara Williamnagar jillani mikkim rasongko komiata, buildingko rama bibrao rikgija jillani chel·kala biapchi riksrangoba indakgipa namgija kamko darangba altue nikna man·jawachim ineba Endick Marak aganangaha.
GHADC, game cha·giparangna pale sim·e cha·na namgipa cholko on·a miksonganiko donchipaona sokate, jolni manderangko indin ka·dongramataha. Ia chu·sokgijagipa kamko council-an daito ra·na nanga ineba Marak aganangaha.
Galchipe dongipa kamara, GHADC-ni songsalni manderangni gamko ba tangka paisako simsakgija jakalniko mesoka. Ia project-ko Council-ni chu·sokatna man·gijanichi tangka paisa noksan ong·atako man·a aro jolni manderangna iamdakgipa namgipa cholko on·a sikgijani gita ong·a, ine janape GHADC-ko galchipe dongipa project-ko ta·rake matchotatchina dabiaha.
GHADC-ni galchipe dongipa shoping complex-ko matchotatchina dabia
Date:
Share post:
