Sunday, July 13, 2025
spot_img

MRSSA-ko jakkalanichi niam gri napsrukaniko champengna man·gen: Metbah

Date:

Share post:

spot_imgspot_img

SHILLONG: Meghalaya a·doko songdongenggipa aro gipin biaprangoni re·baenggipa tourist-rangni namgnina Meghalaya Residents Safety & Security Act (MRSSA)-ko name jakkalchina BJP-ni dilgipa aro a·dokni Cabinet Minister AL Hek-ni sorkariko didiangani ja·man, United Democratic Party (UDP)-ni president aro State Planning Board-ni chairman Metbah Lyngdoh-ba MRSSA-ko jakkalna nangengani gimin aganangaha.

MRSSA-ko jakkalanichi a·dokona niam gri napsrukanirangkoba champengna man·gen ine ua aganaha.

Indore songjinmaoni re·bagipa tourist Raja Raghuvanshi-ko uni jikgipa Sonam-ni Sohra jolo so·ote galani ja·man a·doko songdongenggipa manderangna aro gipin biaprangoni re·baenggipa tourist-rangko nambate nirokna man·na gita a·dokni Cabinet, MRSSA-ko nipiltaienba, bilakbatatna tik ka·ahani gimin UDP-ni president, iako aganaha.

“MRSSA-o maming ong·gijako anga an·tangde nikja,” ine Lyngdoh aganenba, a·doko Inner Line Permit (ILP)-ko ra·gatchina ma·mong sorkariko didina gita ru·uta somoirangna skangan Meghalaya Legislative Assembly-o resolution-ko ra·manaha aro iani bidingo a·dokni Chief Minister aro gipin cabinet minister-rangba ma·mong sorkari baksa agangrikjringenga ine parakataha.

ILP-ni bidingo a·dok sorkari changni chang gisik ra·attaitaina nanggen ine janapatengon, ILP-ko ra·gatanio ma·mongni niamrang baksa nanggrikanirangko ma·mong sorkari nikengnaba gnang aro iandakgipa neng·nikanirang donggenchimode iarangko namatchengna nanggen ine UDP president aganaha.

Raja Raghuvanshi-ko Sohra jolo so·ote galani ja·man Meghalaya sorkari, MRSSA-ko nipiltaienba, niamrangko bilakbatatna tik ka·angaha aro pilak homestay, resort aro sokachakenggipa nokrangkon, tourist-rangko biming segatchina ge·etanikoba on·angaha.

Badiaba nokdangrango gipin biaprangoni re·baenggipa manderang, tangka paisarangko game dongchakenga ong·ode, uamang Tourism App-ko jakkalna nanggen aro tourist-rangni bidingo sorkarina u·iatna nanggen.

spot_imgspot_img

Related articles

Sorkari, kamtangko ka·na chu·sokjaode sakgipinna pakwatbo: VPP

SHILLONG: Voice of the People Party (VPP)-ni chief Ardent Miller Basaiawmoit, NPP-chi dilenggipa sorkariko kamtangko name dake ka·na...

Chokpot jolni neng·nikarangko namatna CSO, songni dilgiparang bakrima

SHILLONG: Ramani obostarang namjani bidingo, gipin jatrangko songrangona skatang napna on·engani bidingrango sorkariko nirokatchina gita Civil society organisation,...

Sitharaman, Meghalaya-ni $30 economy-ona sokna re·mikkanganio dakchakna agana

SHILLONG: Ma·mongni Finance Minister Nirmala Sitharaman, Meghalaya a·dokni Health sector-o namen tang·doaniko nike de·mittelaha. Mongsongbate Meghalaya-o Maternity Mortality...

Game ge·e cha·giparangko bilakdapatna IPDM training-ko ICAR-KVK ong·ata

TURA: ICAR - Krishi Vigyan Kendra (KVK), West Garo Hills, Dalu Block-ni Marapara songo NICRA project-ni ning·o method-ko...