SHILLONG: ICAR—Agricultural Technology Application Research Institute (ATARI), Zone VII, Umiam, June 24 tariko 19-gipa Foundation Day-ko manigen.
India-ni salgro salaram a·dokrango u·ianiko aro ecosystem-ko bilakdapatna aro gama ge·anio technology-ko jakkalna ian ru·uta bilsiona on·kange kam ka·bagipa ong·enga.
ICAR-ATARI-ni songreani aro chu·sokanina maniani dake mangmangsan Foundationj Day-ko maniangjawa indiba mongsonggipa stakeholder-rang, mikkangchina nikjumangsogiparang aro mentor-rang baksa bakrimna namgipa chol ong·e scientific aro technology-rangchi gama ge·aniko namdapatna aro janggi tangani gadangkoba tang·doatnaba man·a.
Iani bilsini programme-ko didianina, u·iatna aro institute-ni namroroanio aro mikkangchina chol ramako mesokanganio agan-talanganina event-rangko tariaha. North Eastern Hill Agriculture-o mikkangchini ra·bianirang aro cholrangni bidigno mongsonggipa scientic-rangchi Foundation Day Lecture-ko salni programme-o man·chapataha.
Gama ge·ani science-o, technology-ni bidingo gipatna aro dingtang dingtang nanganirangna songsaloni name dake ma·siate on·anio kam ka·gipa manderangko aro dingtang dingtang bakrango chu·sokaniko man·gipa sakantiko mande ra·anggen.
ICAR-ATARI aro apsan bakrimgipa Krishi Vigyan Kendras (KVKs)-ni gita mongsonggipa chu·sokanirangko aro kam ka·anirangko mesokanggen.
ICAR aro State Agricultural University-rangoni scientis-rang, faculty membor-rang, KVK professional-rang, sorkari officer-rang aro a·dok gimikoni game ge·e cha·enggiparangko man·chape sak 15-na bate ia programme-o bak ra·angna ka·dongsoenga.
Ia programme-o Meghalaya sorkarini Agriculture & Farmers’ Welfare Minister Dr. M Ampareen Lyngdoh mongsonggipa sokgipa ong·e bak ra·anggen.
