SHILLONG: Dingtang dingtang scheme-rangna krorni kror tangkarangko parakatengoba maming dingtanganirangko nikna man·jaenga ine NPP-chi dilenggipa MDA sorkariko matnangatani ja·man, sorkarini kosako skatang matnange roaigija a·dokni dingtang dingtang biaprangona re·ange kamrangko niechina gita a·dokni Deputy Chief Minister aro NPP-ni dilgipa Prestone Tynsong, Voice of the People’s Party (VPP)-ko aganskaaha.
A·dokni dingtang dingtang biaprango gital scheme-rangko ra·gate, namroro silroroaniko ra·bana man·enga ine a·dok sorkarini a·kangengani gimin VPP-ni matnanganirangna Tynsong aganchakaniko on·angskaaha.
MDA sorkarini kosako VPP-ni matnange agananirangko jegalatskaengon, uamang (VPP) sorkariko iandake matnange dongaigija, a·dokni manderangna namgnirangko ra·baengama ra·bajaenga, a·dokni dingtang dingtang biaprangona re·ange nina nanga ine a·dokni Deputy Chief Minister Tynsong aganaha.
“Dingtang dingtang scheme aro program-rangko ra·gatanichi manderangna namgnirangko aro a·doko namroro silroroaniko ra·bana man·engama man·jaenga, an·tangtangan uamang re·ange nina nanga,” ine Tynsong aganaha.
Office-o asonge sorkariko matnange dongaigija an·tangtangan uamang dingtang dingtang biaprangona re·ange sorkarini kamrangko nina nanga ine ua aganaha.
Je department-rangon sorkari tangka paisarangko koros ka·ahachim, ua pilak kamrangon uamang dingtanganiko nikna man·engaha ineba Deputy Chief Minister a·kangataha.
 |
ReplyForward
|