Komibeoba bilsisani dormahako on·na nanga: NGEA
TURA: Garo Hills Autonomous District Council (GHADC)-o kam ka·enggiparang gimik ja 42-ni dormaharangko man·tokkujaengani gimin Sombar saloni a·bachenge, salbongana kamrangko dontongate, sit-in-demonstration ba asonge jingjengataniko dakna a·bachengataha.
Ia jingjengataniko dakani bidingo Non-Gazetted Employees Association (NGEA)-ni dilgiparang, kobor ra·timgiparangna talate on·angengon, GHADC-o kam ka·giparangni man·na nangkuenggipa dormaharang da·o gimik ja 42 gappilengahaoba GHADC-ko chalaienggipa Executive Committee (EC)-oni maming ka·dongatani kattarang dongkujani gimin ia jingjengataniko a·bachengatna nangao ga·akaha ine parakataha.
“Chingni man·na nangkuenggipa dormaharangoni badita jarangniko chingna on·sochenggen ine chingna ku·rachakaniko on·genchimoba haida chinga iandakgipa ja·kuko de·na nangjanaba gnangchim indiba EC-ni dilgiparang, chingna maming ku·rachakani aro ka·dongatani kattarangko on·jahani gimin chinga ia sit-in-demonstration-ko salbongana ong·atchengna tik ka·aha. Iani gisepon chingna dormaharangko on·ani bidingo maming ku·rachakani ba ka·dongatani kattarang dongjagenchimode chinga ia salbongana jingjengataniko ra·dodapangna nangao ga·aknaba gnang,” ine NGEA-ni president Brithen Sangma aganenba, ia changode uamangna komibeoba bilsisani dormaharangko on·na ku·rachakgenchimosa jingjengataniko dontongna tik ka·aha ine parakataha.
GHADC-o kam ka·giparangni man·na nangkuenggipa dormaharang ja 42 ong·pilahaoba uamangna bilsisamangmangni dormaharangko on·sochengchina dabienga ine janapatengon, bilsisani dormaharangko on·jaskalde ia jingjengataniko uamang dontongjawa ine NGEA-ni president, mikrakataniko on·angaha.
GHADC-ni gile man·enggipa kajinarangni bidingo janapatengon, February jaoni June jaona kingkingde GHADC-o nanga gitan kajinarangko gile man·ronga indiba kam ka·enggipa manderangnade dormaharangko on·na gisik nangjaenga ine Sangma, GHADC-ko chalaienggipa EC-ni dilgiparangko matnangataha.
Ia jingjengataniko dakani bidingo Non-Gazetted Employees Association (NGEA)-ni dilgiparang, kobor ra·timgiparangna talate on·angengon, GHADC-o kam ka·giparangni man·na nangkuenggipa dormaharang da·o gimik ja 42 gappilengahaoba GHADC-ko chalaienggipa Executive Committee (EC)-oni maming ka·dongatani kattarang dongkujani gimin ia jingjengataniko a·bachengatna nangao ga·akaha ine parakataha.
“Chingni man·na nangkuenggipa dormaharangoni badita jarangniko chingna on·sochenggen ine chingna ku·rachakaniko on·genchimoba haida chinga iandakgipa ja·kuko de·na nangjanaba gnangchim indiba EC-ni dilgiparang, chingna maming ku·rachakani aro ka·dongatani kattarangko on·jahani gimin chinga ia sit-in-demonstration-ko salbongana ong·atchengna tik ka·aha. Iani gisepon chingna dormaharangko on·ani bidingo maming ku·rachakani ba ka·dongatani kattarang dongjagenchimode chinga ia salbongana jingjengataniko ra·dodapangna nangao ga·aknaba gnang,” ine NGEA-ni president Brithen Sangma aganenba, ia changode uamangna komibeoba bilsisani dormaharangko on·na ku·rachakgenchimosa jingjengataniko dontongna tik ka·aha ine parakataha.
GHADC-o kam ka·giparangni man·na nangkuenggipa dormaharang ja 42 ong·pilahaoba uamangna bilsisamangmangni dormaharangko on·sochengchina dabienga ine janapatengon, bilsisani dormaharangko on·jaskalde ia jingjengataniko uamang dontongjawa ine NGEA-ni president, mikrakataniko on·angaha.
GHADC-ni gile man·enggipa kajinarangni bidingo janapatengon, February jaoni June jaona kingkingde GHADC-o nanga gitan kajinarangko gile man·ronga indiba kam ka·enggipa manderangnade dormaharangko on·na gisik nangjaenga ine Sangma, GHADC-ko chalaienggipa EC-ni dilgiparangko matnangataha.