DADENGGRE: Special Summary Revision (SSR) 2026-ni bidingo Booth Level Officer (BLO) aro Supervisor-rangna, dingtangmancha training program-ko Bristibar salo, Dadenggre Civil Sub-Division-o ong·atangaha.
Ia training program-ko India-ni Election Commission, Sub-Division-tangtangni officer-rang baksa nangrime ong·ataha.
Ia training program-ko ong·atanio, summary revision-ko dakanio BLO-rang, name ka·na man·na gita ‘Legal Provision’, ‘E-R Processes’, ‘Roll Plays’ aro ‘BLO App’-ni bidingo agan-talatanirangko on·angaha.
Ia training program-ko ong·atanio official-rang, BLO aro Supervisor-rangna agan-talatanirangko on·angengon, skangode qualifying date salsakosan on·aiachim indiba da·ode January-ni 1 tarik, April-ni 1 tarik, July-ni 1 tarik aro October-ni 1 tarik salbriko qualifying date dake on·skaengaha ine parakataha.
Photo: Special Summary Revision (SSR) 2026-ni bidingo Booth Level Officer (BLO) aro Supervisor-rangna training program-ko ong·atanio official-rang, agan-talate on·enga.