RESUBELPARA: ‘Sericulture & Livelihood Improvement in Meghalaya’ ine pangchakaniko donenba, Skill Development-ni bidingo dingtangmancha workshop-ko, North Garo Hills a·jani Resubelpara-o donggipa DSO Conference Hall-o ong·atangaha.
Ia workshop-ko NEHU Tura Campus-ni ning·o donggipa Incubation Centre (MSME Incubator), North Garo Hills a·jani Textiles department aro Chattisgarh a·dokni Raipur-o donggipa ICAR National Institute of Biotic Stress Management (ICAR-NIBSM) nangrime ong·atangaha.
Ia program-ko NEHU Shillong-ni Vice Chancellor Prof PS Shukla aro NEHU Tura Campus-ni Pro-Vice Chancellor Prof Fameline K Marak-ni dilanichi ong·ataha aro ia workshop-o Textiles Department-ni ning·o donggipa Sericulture & Weaving-ni Deputy Director Sanre G Momin, North Garo Hills-ni District Sericulture Officer Satish Ch Rabha aro Incubation Centre NEHU-ni Nodal Officer Dr R Sasikumara-ba dongpae, Eri Silk-ko tarianio dingtang dingtang kamrangni gimin agan-talatanirangko on·angaha.
Ia training program-ko ong·atanio sak 50 manderang bak ra·e, namgnirangko man·aha aro uamangna eri jilani bosturangkoba suale on·angjolaha.
Photo: ‘Sericulture & Livelihood Improvement in Meghalaya’ ine pangchakaniko donenba, Skill Development-ni bidingo workshop-ko ong·atanio bak ra·gipa manderang apsan jachipchangenga.