Tura: Opposition-ni dilgipa Dr Mukul Sangma, Tura-o rikenggipa Pine Mount International School-ko nirokeaha. Ia school-ko batanggimin bilsi 2016-17-onin rikna a·bachengahachim indiba da·onan ia school-ko kulina man·kujaenga. Ia school-ko rikna kror 30 baten tangkako jakkalaha. Tura-oni km 10-mang chel·gipa Doldegre songo rikenga. Ian Tura Government Medical College sepango ong·a.
Mukul baksa MDC Rinaldo K Sangma, Pardinand D Shira, Alphonsyus Marak aro Doldegre-ni Nokma, PWD-o kam ka·giparang, building team aro project-ni contractor-rang re·angpaha. Ia project-ko 98% ni gita kamrangko matchotjok indiba da·onan campus-rangan dongkuja.
Campus-ko 45 acre-ni a·ao rikgen. Niatgenchimode Shillong-ni Pine Mount, me·chikrangnisan ong·a. Tura-ni Pine Mount-o hostel-koba rikna chanchiani donga.
Batanggimin bilsi 2017-o soi ka·gipa contract-ni gitade ia project-na sorkari, kror 46 tangkako jakkalna tik ka·ahachim. Mukul Sangma-ni dilgipa sorkarion ia contract-ko soi ka·aha aro tender-koba ua somoion galaha. Indiba ja·man budget-o neng·nike project-ni damko kror 40-ona tang·onataha. Boundary wall-ko ba pakmako silchek (wire fencing) ka·skaha. Basketball, football aro volleyball field-rangko tariaha. Indiba building-rangona re·rurana ramarang dongkujaenga.
School-ko nirokna re·angaon gital rikgipa building-ni mitam bakrangode pakwa be·srea aro rong nonggiparangko kike gala gita go·oke dongako nikaha. Iana Mukul. project-o kam ka·gipa official-rangko name dake kamrangko ka·china ge·etaha.
Uandake Shillong-ko skang salrangonin mongsonggipa educational hub ba biap ine ra·a, indiba da·ode ia chanchiako dingtangate Tura-ona namgipa educational institute-rangko kulina tik ka·e, ja·ku de·aha ine gitcham CM Mukul aganaha.
Iarangni gisepon Mukul, ia project-ko matchotna ru·utengani gimin sorkariko matnangaha.
“Ia project-ko bilsi gittamni gisepon matchotna nangachim aro matchota jolan academic session-ko a·bachengna nangachim indiba sorkari maini gimin ia project-ko a·bachengatna somoiko ra·enga ine sorkariko sing·doaha.
Indake Mukul, ia mamlako ta·raken sorkari baksa agangrikgen ine parakaha.
Mukul, Pine Mount Internatioal School-ko ta·rake a·bachengatna agana
Date:
Share post:
