SHILLONG: Re·anggipa July 8 tarikoni Union Christian College, Umiam Khwan-o “One North East, One Spirit” ine pangchakaniko donenba salbongana ong·atgipa North East NSS Youth Festival 2025 Sombar salo matchotangaha, jeon Salgro-salaram a·dokrangni dingtang dingtang daka-rika, changa-sapaniko skie ra·anirangko dakangaha.
A·dokni Education Minister Rakkam A Sangma, mongsonggipa sokgipa ong·e ia Festival-ko re·anggipa July 8 tariko Christopher Singh Auditorium-o a·bachengate on·aha.
Ia festivalo, minggni technical session-ko ong·atangaha jeon skanggipao Environmental Awareness-ni bidingo ong·atenba Eco-Activist aro RJ Nicholas J Kharnami Digital Communication-ni gimin aganangan baksana an·tangni a·bachengatgipa Eco-bricks ba chasongnaba sogijagipa plastic-ko jakkale nokni samtangtango ita dake jakkalaniko aganangaha.
Iani ja·man gnigipa Session-ko Crime and Youth theme-o pangchake ong·atangskaaha jekon Inspector K. S. lywait, Officer-in-Charge Umiam Police Station talatangskaaha. Iano Cybercrime, Juvenile justice, aro Drug abuse-ni bidingo songsalo donggipa sakantian mikrakan baksana iandakgipa kamko ka·aoniko chadamberangko champengna jotton ka·na nanga ine didiangskaaha.
Una agreba ia programo Self-Defence training-ko KRAV MAGA team dakmesokangenba an·tangtangko nangan somoio naljoke dongna nanganiko u·iate on·aha.
Indake attamchibarao UCC peak-ona trekking ka·aniko dake dingtang dingtang a·dokni NSS program Officer-rang bol bi·sarangko ge·angaha.
