SHILLONG: Ru·uta bilsirangoni dabienggipa Inner Line Permit (ILP)-ko Ma·mong Sorkari ra·gatna on·kujaengani gimin aroba Indo-Bangla sima-ariko denggu dakgipa manderang naprurae ong·gija kamrangko ka·anirang batroroengani gimin, A·dokko naljoke rakkina man·na gita MRSSA-ko kingkot ja·rikchina gita UDP dilgipa aro Nongpoh MLA Mayralborn Syiem didianiko dakaha aro ian a·dokko chel·chakani nambatsranggipa ostroba ong·gen ine aganaha.
Ia Act-o napdrabagiparangko nirokani aro champengsoanisan ong·aija, indiba facilitation centre-rangko on·aniba iano namen mongsonggipa ong·enga, Syiem aganaha.
Ia centre-rangan a·dokona napbaenggipa manderangko grongenba nangani kri dakchakani aro dilaniko on·gen, unigimin ia MRSSA-ko gisiko nange ra·gatgenchimode, a·dokni a·paloni sokbaenggipa pilak ra·bianirangko warachaksona dakchakgenchim ine ua aganaha.
Unbaksana, ia Act-o pangchake facilitation centre-rangko dongenchim ong·ode niam gita bilake kamrangko ka·na man·gen aroba tourism-ni a·baoba nambate dakna man·gen, jeon joltangni guide-rangko aro garirangko jakkalanio nangchongmotgipa dakatnaba man·gen unode songrebagipa aroba a·dokni tourism industry-naba namgniko ra·bagen, Syiem aganaha.
Nongpoh legislator indakeba aganaha je, iai MRSSA-ko gisiko nange ra·gatgenchimode, ILP gita daken namedake chel·chakaniko on·na gita man·gen ineba ua agandapaha.
Oe beben ILP resolution-ko skangon Meghalaya Legislative Assembly-o ra·chakahachim indiba Ma·mongan uko da·alonaba ra·chakskakujaenga, ian da·ode a·dok sorkarini bilode ong·jaha ine aganengon, MRSSA-ko skang 2020 bilsion taridapaha indiba uko chu·onga gita ja·riksrangade ong·kuja, ua parakaha.
ILP man·ku jaoba MRSS-ko gisiko nange ra·gatode ong·aigenchim: UDP
Date:
Share post:
