AMPATI: South West Garo Hills a·jani dingtang dingtang biaprango, mongsongbate Kalaichar jolni Isaguri, Mirjumla aro Mahendraganj jolrango, Bangladesh a·songoni napsrukbae songdong a·chatokenga ine South West Garo Hills a·jani CSAWO, AAYF aro APA dolrang parakatenba, ia biaprango niam gri songdong a·chaenggipa manderangko sandirokchina, South West Garo Hills a·jani Deputy Commissioner-ko didiataha.
Iani bidingo, South West Garo Hills a·jani Deputy Commissioner-na sedoatengon, Bangladesh a·songoni niam gri napsrukbae ia jolrango songdong a·chaengani a·sel, manderangni jelbra jelsuanirang batroroenga, Tribal-rangna kenchakna nangani ong·enga aro economy-ni gitaba nangchakeaniko man·enga ine dolgittam NGO-rang parakataha.
“Uni gimin Meghalaya a·doko aro a·doko songdongenggipa Tribal manderangko chel·chakna gita iani bidingo ta·raken sandirokatchina, kakketko sandichina aro nanga gita ja·kurangko de·china chinga didienga,” ine dolgittam NGO-rang parakataha.
Mikkangchi ia jolrango niam gri songdong a·chagiparang batrorojana gita Meghalaya a·dokni simarangko nambate nirokna nanga ineba NGO-rang didiataha.
