Tura: Post Graduate Students’ Union (PGSU)- North-Eastern Hill University (NEHU) aro Garo Students’ Union (GSU)- NEHU Tura Campus Cell, bakrime North-Eastern Hill University (NEHU), Tura Campus-ni Pro Vice-Chancellor-ko gronge bangbang ong·e donggipa administrative post-rango ta·raken manderangko rakkichina mol·molaha.
Student bodies, university-ni administrative-o kam ka·giparang chu·onga gita dongjani a·sel chagrongenggipa obostarangko u·iate on·aha. Kam ka·giparang chu·gongjani gimin academic, administrative aro student welfare-ni kamrangko neng·nikarangko man·enga.
“Iarangsan ong·aija chu·onga gita administrative staff-rang dongjani a·sel jemangan kamko ka·enggiparang donga, uamangna kam jakchakgija ong·a. Iarangni a·sel student-rangna scholarship-ko somoi gita on·na man·ja, nangnika certificate-rangko jol dake man·ja sengna nanga ba uandakgipa dingtang dingtang kamrangko bilongen neng·nikarangko man·enga. Iarangara student-rangnasan ong·aija teacher aro non-teaching staff-rangnaba nangchakea.”
Deputy Registrar, Personal Assistant to the Deputy Registrar, Assistant Registrar (Administration), Section Officer, Assistant, Upper Division Clerk (UDC) aro Lower Division Clerk (LDC) -ni post-rang bangbang ong·e dongenga.
“Administrative-o chu·onga gita staff-rang dongjani a·sel campus-ni kamrang name dake re·na man·jaenga, uni gimin ta·raken bangbang ong·e donggipa biaprango kamna kragipa manderangko ra·china dabiaha ine PGSU-ni president Chakram D. Sangma aganaha.
Indake GSU-NEHU Tura Campus Cell-ni President Chean Jakrik A Sangma-ba university-ni namgnina ta·raken kamna kragipa manderangko ra·china aganpaha.
NEHU Tura Campus-o sakgittam regular staff memborrangsan donga. Iarangni gisepo campus indiba ru·uta bilsi ong·genchimoba namgipa infrastructure dongja, student-rangna namgipa facility ba cholrang dongja.
PGSU-NEHU, GSU-NEHU bangbang ong·e donggipa post-rangko gapatchina dabia
Date:
Share post:
