SHILLONG: Meghalaya, Tamil Nadu a·dokni ja·man, a·songo ta·rake tang·doenggipa a·dokrangoni gnigipa ong·enga. Re·baenggipa bilsi 2032-o a·songni top 10 states-o ong·pana ka·dongenga.
Meghalaya-ni Chief Minister, Conrad Sangma, Independence Day-ko maniao aganprakmitingo Meghalaya-ni, 2024-25 bilsio growth rate 9.66 percent baridapaha, jean batanggimin bilsi 2018-0 5.1 %-san ong·achim ine aganaha.
“Covid saginmani ja·man bilsi gittamna joljol 10 percent growth rate-ko man·anio chu·sokgiparangoni Meghalaya a·doksan ong·a. Ia chu·sokanina an·ching rasong chabena nanga. 5 % growth rate-oni 10 % growth rate-ona Meghalaya maidake tang·dobaha? ia chu·sokaniko man·a altua ong·jachim, bang·en ra·bianirangko chagronggenchimoba rake jotton ka·anichi aro kimkim ong·e kam ka·anichi chu·sokna man·aha ine CM aganaha.
“Bilsi 2018-o an·ching GDP kror 30,000-naba komibatachim, bilsi 7 ataon chinga DGP-ko kror 59,626-ona baridapataha. Re·baenggipa bilsi 7 atani gisepon kror 60,000-kror 1,40,000-ona bariatkugen. Ian chadamberangna kamrangko bikote on·nani bang·bate cholrangko oprakatgen aro Meghalaya-ko a·songni top 10 states-o napatgen. Ian chingni nikjumangani on g·a, jekon chinga chu·sokattelgen.
Iarangni gisepon Shillong, Tura, Jowai aro gipin jillarango urban infrastructure-ko bilakatna jotton ka·enga. Dal·dalgipa project-rang jekai- New Shillong-ni Meghalaya Secretariat Complex, Tura-ni Additional Secretariat Complex aro Jowai-ni Integrated Administrative Complex-rangko rikna a·bachengataha. Bilsi bonga skangde New Shillong City-ara chanchiasan ong·aiachim indiba da·ode dingtang dingtang project-rang jekai IT Park Phase II, Unity Mall, Skills and Innovation Hub, Heliport, Working Women Hostel-rangko rikengani gimin chanchiarang be·en pilengjok.
Agriculture ba ge·a-gamani a·baoba sorkari, game cha·giparangni man·gnirangko bariatna jotton ka·enga. Lak 3.5 game cha·giparangni man·gnirangko baridapate, uamangni janggi tanganiko ra·doaha.
Sorkari, New Shillong-o India-ni dal·batgipa football stadium-koba rikenga, jeon sak 40,000 manderangna asongna gita biap chakgen, Meghalaya-ko India-ni football capital ong·atna miksongenga, ian a·dokni chadamberangna bang·bea cholrangko kuliatgen. Minggipin bilsi 2027-o Meghalaya-o chang 39-gipa National Games-ko sokachakaon komibeoba ge 50 medal-rangko man·a nisanko donenga.
Health sector-ko bilakatna ja·ku de·anio dingtang dingtang scheme-rangko parakataha. Health worker-rangni kimkim ong·anichi bilsi 2020-onide bi·sa an·pakao ma·giparangni siani bilongen komiaha.
MHIS program-ni gita sanna bannanirango dakchakaniko on·engon insurance-ko 1.6 lak-oniko 5.3 lak-ona bariataha. Bilsi 10 somoini gisepo scheme-na registration ka·anio 50 %oni 90 %-ona tang·doaha. Sak 2,500 professional-rangko kamo rakkie Health infrastructure-ko bilakdapataha.
Education sector-ko niatgenchimode bilsi 2018-onin Meghaaya-ni dingtang dingtang jolrango donggipa ge 1000 baten school-rangona bijoli, rongtalgipa chi ringani, paikana, computer aro internet connectivity-rangko sokataha.
Ge 4,000 baten school-rango libraries, book banks aro reading corner-rangko tariaha. Ia bilsini Meghalaya Board of School Education (MBOSE)-ni SSLC porikkao 96% percent student-rang pass ka·aha.”
Iarangsan ong·aija Meghalaya a·dokko develop ka·na dingtang dingtang scheme aro project-rangko a·bachengataha ine CM aganaha.
