NEW DELHI: New Delhi-ni Bharat Mandapam-o donggipa Pragati Maidan-o sal 14-na ong·atenggipa chang 44-gipa India International Trade Fair (IITF)-o Meghalaya Pavillion-ko Robibar salo, Meghalaya Legislative Assembly-ni Speaker Thomas Sangma kulie on·angaha.
Meghalaya Pavillion-ko kulie on·anganio ua, Meghalaya a·dokni bading chiwalgiparang baksa agangrikangjolaha.
Ia chang IITF-o bak ra·na gita Meghalaya a·dokni bading chiwalgiparangko, Meghalayan Age Limited, nodal agency ong·e dakchake on·enga aro ia fair-o Planning, DoPF, PRIME aro Tourism department-rang bak ra·enga.
Ia Meghalaya Pavillion-ni dam 12 stall-rango PRIME Starup-oni sak 12 aro Food Processing Direcorate-oni sak 18 bading chiwalgiparang, batch gittam dake bak ra·enga.
Ia Meghalaya Pavillion-o jakchi sika koani, wata chengani, sol·a repani, me·dik sam·dik tariani, cha·ani ringanirangko tariani, achar, cha aro uandake dingtang dingtang jatrangni ma·manti bosturangko mesokna aro palna sim·na donenga.
Ia chang 44-gipa India International Trade Fair-ko ‘Ek Bharat-Shreshtha Bharat’ ine pangchakaniko done ong·atenga aro ia trade fair-o a·songni dam 30 a·dokrang aro ge 60 ministry-rangna baten bak ra·enga.
Ia IITF-o United Arab Emirates, China, Iran, South Korea aro Egypt a·songko man·chape dam 12 a·songrangoni bading chiwalgiparangba bak ra·enga.
