A·doko National Press Day-ko mania
SHILLONG: Sonibar salo, Directorate of Information & Public Relations (DIPR), National Press Day-ko a·dokni skotong Shillong songjinmao manidilangaha aro ia tom·anio, a·dokni Information & Public Relations Minister Lahkmen Rymbui, mongsonggipa sokgipa ong·e, media-ni manderangna aganprakengon, ia digital-ni chasongo namgipa bewalko ja·rike kakketkosa manderangna kobor on·na nanga ine didiani kattarangko aganangaha.
Ia program-na donsogimin ‘Role of Print Media in the Digital Age’ pangchakani bidingo talataniko on·angengon, songbad aro electronic media-rangni bang·baroroanio manderang kakketko ma·sina man·jaengani gimin pangnan kakketkosa kobor on·china gita Rymbui didiangaha.
Manderangni ka·donganian journalism ba koborrangko on·anio pangchakani gita ong·a ine janapatengon, koborrangko on·anio pangnan kakketko sandichenge aro dingtang dingtang cholrangoniko am·sandichenge on·genchimosa, manderangni bebera·ani aro ka·donganikode man·na ama ine I&PR Minister parakataha.
Adita salrangna skang ong·atanggipa Meghalaya Media Meet-ni gimin toe janapatengon, sorkari aro media-ni gisepo krong ge·bri donggipa bakrimani bidingo Chief Mnister-ni agananiko Rymbui janape on·angaha.
Meghalaya a·doko dingtang dingtang jatrangni daka rikani, ku·aganani aro jatni bebera·anirangko mande ra·e, koborrangk sena nangani giminba Minister, ia tom·anio aganangaha.
Technology-ko jakkalani bidingo janapatskaengon, ia sal somoirango Artificial Intelligence (AI)-rangchi tol·gipa bimang aro koborrangko tarina man·aia ine pangnan kakketko name sandichengchina gita Rymbui, kobor ra·timgipa aro on·timgiparangko didiangaha.
