TURA: Adita salrangna skang, Tura-o gital kuligipa Meghalaya Public Service Commission (MPSC) centre-o skanggipa porikkako Sonibar salo ong·ataha aro ia porikkako Garo Hills gimikonin chatro chatrirang seangaha.
Tura-ni gital MPSC centre-o Junior Engineer Grade-I (Civil)-ni kamna porikkako ong·ataha aro ia porikkako gimik sak 50 candidate-rang, gital centre-o seaha.
Iani bidingo social media-o jinmana seachi u·iatengon, “Tura-o gital MPSC building-ko kuliani ja·man Sonibar salo, skanggipa porikkako seatna man·aha. A·dokni dingtang dingtang biaprangoba MPSC centre-ko nangniktokenga aro chinga sorkari ong·e, manderangni nangnikaniko chu·sokatgen. Tura-o MPSC centre-ko kulianichi, state civil service porikakko man·chape dingtang dingtang porikkarangko sena sikenggipa chadamberangna namgni ong·gen. A·dokni dingtang dingtang biaprango, dingtang dingtang porikkako seenggipa chatro chatrirangni namgnina sorkari, nambata cholrangko on·angkuna jotton ka·gen,” ine a·dokni Chief Minister Conrad K Sangma parakataha.
Ia gital MPSC centre-ko, re·anggipa November-ni 8 tariko a·dokni Chief Minister Conrad K Sangma nokdonggae on·angahac
