SHILLONG: Vote-rangko salna gita a·dok sorkari, manderangna tol·gipa aro dam rakgipa a·a pattarangko on·na jotton ka·enga ine Tura-ni MDC Bernard N Marak mikrakataniko on·angenba, a·arangde district council-ni ning·osa ong·ani gimin sorkaride a·a pattarangko on·na bil dongja ine talataniko on·angaha.
“Vote-rangko salna gita sorkarini tol·gipa aro dam rakgipa pattarangko on·na ku·rachakaniko bebera·na nangja. A·arangde district council-ni ning·osa ong·ani gimin sorkaride, a·a pattako on·na man·ja,” ine Marak parakataha.
Garo Hills-ni a·arangde Garo Hills Autonomous District Council (GHADC) aro Nokmarangni bil ning·osa ong·a ine janapatengon, GHADC-o, mongsongbate Tura GHADC constituency ning·o donggipa gittimrangko sorkari, jako ra·na jotton ka·enga ine Tura MDC matnangataha.
Tura GHADC constituency-ni ning·o donggipa gittimrango manderangna tol·gipa pattarangko on·na ku·rachake a·arangko toe ra·enga ine janapatskaengon, Nokmarangna aro GHADC-na on·gimin bilrangko District Administration ra·sekna jotton ka·enga ine Marak parakataha.
